Jaaliyada cusub oo
laga aas-aasay magaalada Turku
Dalka Finland.
Feb 7, 2010 (QOL) Maalintii sabti ahayd ee taarikhdu
ku beegnay 30.1.2010. waxaa safar ku tegey magaalada Turku wefti
heersare ah oo uu Haaminaayey gudoomiyaha Jaaliyada Ogaadeenya
ee dalka Finland, Mudane Cabdirashiid Yuusuf Colaad (Cabdirashiid
Jwxani) Weftigaas oo kor u dhaafayey 12 xubnood oo ka tirsan jaaliyada
qaybaheeda kala duwan.
Magaalada Turku waa caasimada 2baad ee Dalkan Finland waxaanna
ku nool bulsho aad u badan oo ah Jaaliyadda Ogaadeenya. Turku
waxay caasimada Helsinki u jirtaa qiyaastii 200km
waana magaalada 2baad ee Soonaalidu ugu badanyihiin.
Hadaba weftigii halkaas ayaa u yimid in inay meeshaas ka aasaasaan
jaaliyad cusub oo ka shaqaysa arimaha bulshadda Ogaadeenya. Hadaba
weftigu muxuu kala kulmay magaalada, dadka magaaladuse dad noocee
ah ayey ahaayeen?
Run ahaantii weftigu wuxuu la kulmay soo dhoweyn heer sare ah,
oo shacabku waxay ku sugayeen duleedka magaalada. waxyaabihi aan
la yaabnay waxaa ka mid ahaa hawada oo aad u xumayd qabowguna
ahaa -25c ayey dadku banaanka waftiga ku sugaayeen. Isla markiiba
waxaa weftiga loo gudbiyey xafiiska Jaaliyada Soomaaliyeed oo
shacabka qaarkiis ku sii sugaayeen weftiga.
Iswaraysi iyo salaan kadibi waxaa la gudagalay muhiimadii loo
aaday meesha oo ahayd balaadhinta Jaaliyadda Ogaadeenya ee Yurub
oo waddamo badan ay ka jiraan Jaaliyado u adeega umadda Ogaadeenya.
Isla markiiba waxaa furmay shirkii, oo uu daadihinayey Mudane
Yusuf oo ah xubnaha dadaalka badan ka wada ah kana danbeeyey suura
gelinta shirka. Waxaa codbaahiyaha lagu soo dhoweyey Gudoomiya
Jaaliyadana Mudane Cabdirashiid. oo ka warbixiyey halganka iyo
meeshuu marayo iyo waxyaabaha looga baahanyahay dadkeenna qurbaha
ku nool. waxaanna hadaladiisa ka mid ahaa hadii aynaan xabada
rideyn aan afka ka hadalo oon qadiyadeenna ka dhaadhicino dadkan
aan la noolahay, una sheegno in canshuurta dadkeenna shaqeeya
laga jaro lagu caawiyo gumeystaha laguna gumaado shacabkeena dhibaataysan.
Ugu danbeyntii waxaa laysku raacay in meeshaa dhidibada loogu
taago Jaaliyad mideysa isuna keenta shacabka Soomaalida Ogaadeenya
ee ku dhaqan magaalada Turku iyo nawaaxigeeda.. Waxaana halkaas
laga hirgaliyay Jaaliyada cusub oo ku soo biirtay Jaaliyadaha
Ogaadeenya ee caalamka meelo kala duwan ka hoolgala neeftana ku
celiyay gumaysiga Itoobiya ee gumaadaya shacabka Ogaadeenya.
