Qormada Duljoogs: Cabdi Iley & Daa'uud Amxaar oo shirkad ku ahaa u adeegida gumaysiga Itoobiya maxay isku qooraansadeen?

Feb 18, 2010 (QOL)Waxaa maalmahan laga hadal hayay guud ahaan dhulka Ogaadeenya gaar ahaan magaalada Jig-Jiga Cabdi Iley & Daa'uud Amxaar oo xaaladooda wada shaqayneed ay meel aad u xun marayso waxaana si weyn u soo if baxaya khilaaf mudoo soo jiitamayay oo labadaas damiirlaawe u dhexeeyay kaas oo sida la tilmaamay ka dhashay awood maroorsiga Cabdi Iley oo si indho la'aan ah u fiday.

Waxaa Daa'uud Amxaar si aad ah u cadho galiyay af & gacan dheerarka Cabdi Iley oo meel walba gaadhay, tan & intii Daa'uud Amxaar loo magacaabay hor joogaha wakiilada gumaysiga waxaa yarayd amaba aan shaqaynaynin mas'uuliyada loo doortay Daa'uud Amxaar waxaana awooda ka maroorsaday si fiicana Tigreega u raali galiyay Cabdi Iley oo ay Tigreegu u arkeen in uu aad muhiim ugu yahay.

Khilaafkan xoogan ee soo kala dhex galay gacan yaraha gumaysiga ayaa aad looga hadal hayaa guud ahaan dhulka Ogaadeenya ee uu gumaysigu u wakiishay labadaas dambiile waxaana muuqata in ay labadan damiir laawe ku heshiin waayeen wadaagista dhiiga shacabka Ogaadeenya oo ah waxa ay nolol maalmeedka kala soo baxaan waxayna tartan ugu jiraan u dhawaanshaha Tigreega oo lagu gaadho dilka,xidhayga handadaada & dhaca shacabka Soomaalida Ogaadeenya.

Daa'uud Amxaar waa kuma muxuuse Ina Iley ku qoonsaday?

Daa'uud Amxaar sida magiciisa ka muuqata waa nin Itoobiyaan ka turjumaya waana nin aad u dhexgalay oo ay qalbigiisa Itoobiyanimo ka buuxdo waa nin Ina Iley ka degan oo xidido dhaa-dheer Itoobiya ku leh waa nin qorshe fog ku hamiya isal markaasna jecel in aysan dadku ka didin waa nin jecel in uu bulshada Soomaalida Ogaadeenya Itoobiyanimo waraabiyo kana tir-tiro waxa ay aaminasnyihiin ee naca Itoobiya ku dheehanyahay, Daa'uud Amxaar oo aan inaba wax naxariis ah Soomaalida Ogaadeenya u haynin ayaa hadana waxaa ka af & rodba dheeraaday Ina Iley oo ay Tigreegu si fiican u hawl galiyeen ugana jajaban hawlaglada Shacabka Soomaalida Ogaadeenya dhanka ka ah waxaana Daa'uud Amxaar aad u dhibay codka Malaz ee maskaxda Ina iley lagu duubay isla markaasna afka Ina Iley ka soo baxaya kaas oo si talantaali ah looga dhagaysto daafaha caalamka.

Dambiyada faraha badan ee uu Ina Iley Shacabka Soomaalida Ogaadeenya ka galayo waxay niyad jab ku rideen Daa'uud Amxaar oo taariikhdiisa oo dhan Itoobiyaan ahaa isla markaasna hadafkiisu yahay in ay Soomaalida Ogaadeenya Itoobiyanimo ku milmaan arintaas oo ka khatarsan cadaadiska & xanuunka Soomaalida Ogaadeenya dul saaran, Tigreegu waxay jecelyihiin ficilka degdega ah ee wax loogu dhimayo bulshada Soomaaliyeed ee Ogaadeenya ku dhaqan waayo Tigreegu wey ogyihiin in uusan Shacabka Soomaalida Ogaadeenya Itoobiya ku milmaynin waxaa kale oo ay Tigreegu arkaan in ay Soomaalida Ogaadeenya tubtii xoriyada cagta saareen ayan ka go'antahay in ay heeryada gumaysiga ka hoos baxaan sidaas daraadeed Tigreega waxaa la gudboon in ay cadaawada si dhab ah uga gun gaadhaan ayna Shacabka Soomaalida Ogaadeenya qabjabiyaan una adeegasdaan qaar ay bulshada ka astaysteen oo fulinkara qorshayaasha gumaysiga.

Hadaba Daa'uud Amxaar wuxuu is tusay in ay Tigreegu Ina Iley ka door bidayaan oo aysan qorshihiisa Itoobiya isku dhajinta ah Tigreega u cuntamaynin waana halkaas meesha layska qooraansaday wuxuuna Daa'uud Amxaar qaadan waayay fadalka ina Iley ee sida xawliga ah u dhaafay, marar badan ayay labadan dambiile u kala dacwoodeen Saraakiisha Tigreega ee u yeedhiya hawlaha ay wakiilka uga yihiin waxaana mid walba dhegta loogu sheegay hadal qarsoon oo ah in uu isagu muhiim yahay kan kalena ka mudanyahay Tigreegana uga dhawyahay.

Ina Iley waa nin caynkee ah maxayse Tigreegu ku doorteen?

Dadka sida fiican Ina Iley u yaqaana ayaa isku raacay in uu yahay nin aan waxba xeerinin oo aan is kala reebin waana nin ay dadka shacabka ahi aad uga argagaxaan marka ay arkaan ayna orod & ilaahoow iga badbaadi ku agmaraan waa nin dhacdhac badan oo ay marar badan is jiidhaan Tigreega laftiisa, waxyaalaha khatarta u keena isaga & kuwa dirsaday balse isaga dadaalka ka ah waxaa ka mid ah, ma aha nin siyaasi ah mana aha nin aqoon leh mana fahmi karo qaabka saxaafada looga hadlo waxaa uun lagu qufulay dadkaaga cadaadi saxaafadana adigu ka qiro dambiga aad galayso eeda & dakanaad ay Askarta Tigreegu galaana adigu isa saar sababteedana shacabkaaga u xambaari wuxuuna marar badan dhex qaadaa wax shaqadii loo cayimay ka baxsan oo marka ugu dambaysa galaafan kara.

Sikastaba ha ahaatee waxay u egtahay in uu soo dhawaaday xiligii labadan dambiile laga aag badalan lahaa isla markaasna xabsiga loo walwaali lahaa sidii kuwii iyaga ka horeeyay ee markii ay umadooda wax walba oo xumaan ah u quudheen xabsiga abaal marin looga dhigay waana wax taariikhda Itoobiay laga bartay in ay ninkasta oo aad ugu dadaala marka ugu damabysa isaga gawska dhigto.

Qorahay Online

   
Contact: qorahay99@yahoo.com
Copyright © 1999 - 2009, All rights reserved. Qorahay Online