Feb 12, (2013 (QOL) Sida lagu sheegay war murtiyeed laga soo saaray aqalka cad ee wadanka Mareykanka waxaa Izrael booqasho ku tagi doona bisha soo socota 21keeda madaxweyne Barack Obama iyo wafdi uu hogaaminayo.

Booqashada madaxweynaha waxaa la filayaa in diiradda lagu saari doono arimo dhawr ah oo ay kamid yihiin arrinta Syria Nucliyerka Iiraan iyo soo celinta wada hadalladii nabadeed ee Falastiin iyo Izrael. Madaxweyne Obama waa markii ugu horeysey ee uu booqdo Izrael tan iyo markii loo doortay xilka madaxtinimo sannaddi 2008dii.

Obama ayaa bilihii ugu danbeeyey waxey si xun isugu dhaceen Raiizul wasaaraha Yuhuudda Binyamiin Natenyahuu oo isagu si cad u taageeray ninkey Obama tartamayeen xiligii doorashada Mareykanka Mut Romny
Obama ayaa intaas kadib hadallo kulul saxaafadda u mariyey Natenyahuu isagoo marar ku tilmaamay hogaamiye fulay ah.

Khilaafaadka labada masuul ayaa la filayaa in la isla soo qaado inta kulanku socdo waxaana sidoo kale la filayaa in dowladda Mareykanku farriin adag u diri doonto Izrael si ay u aqbasho in xal waara laga gaadho qaddiyadda Falastiin oo ah dhibaato muddo dheer soo jiitantey.

Qorahay Media
qorahay99@yahoo.com