Feb 13, (2013 (QOL) War hadda na soo gaadhay ayaa sheegaya ganacsato reer Godey ah oo ay ciidamada gumaysiga Itoobiya & wakiiladoodu duleedka Magaalada Godey ku boobeen, dadkan laboobay ayaa ahaa ganacatada yaryar ee Magaalooyinka Godey & Qallafe ka dhex ganacsada waxaana xiliga la boobayay u rarnaa Gaadhi-Dameero waxayna ka yimaadeen dhinaca Magaalaad Qallafe waxayna ku sii jeedeen Magaalada Godey.

Warkan oo aanu ka helay ilo xog ogaal ah ayaa sheegaya in ganacsatadaas ay ciidamaad gumaysiga & wakiiladoodu ka koobnaa 15 Gaadhi Dameer (Karayto) rarkii sarraa oo ahaa badeecooyin kala duwan gabi ahaana ay hantidii ganacsatadaas cadowgu lawareegeen dadkii lahaana iyagoo faro madow ay Godey yimaadeen.

Boobka noocan ah ayaa dhulka Ogaadeenya joogto ka ah waana arin aan gudaha Ogaadeenya layaab ka ahayn waxaana shacbak loogaystaa dhibaatooyin aad u faro badan oo ay ka mid yihiin jidhdilka, gawraca, baro kicinta, xabsiga & faro xumaynta duamrka lagula kaco oo intaba Askarta gumaysiga xaq loo siiyay xili kastana ay gaysan karaan.

Si kastaba haahaatee dhibaatooyinka faraha badan ee shacabka Ogaadeenya loo gaysto waxaa in badan oo ka mid ah fukliyay wakiilada gumaysiga ee maamul ku sheega ku magacaaban & Hawaarinta oo u badan dhalin yaro aan xiskoodu hagaagsanayn oo loo carbiyay hab dad qalnimo ah isla markaasna ay naxariistu ka guurtay.

Qorahay Media
qorahay99@yahoo.com