Feb 13, (2013 (QOL) Wararka naga soo gaadhaya magaalada Shilaabo ayaa sheegaya maalmihii u dambeeyay in ay Ciidamada Gumaysiga Itoobiya halkaas kaween dhaq-dhaqaaq xoolo uruurin ah oo ay ka Tuulooyinka ku hareeraysan magaalada Shilaabo shacbka ku dhaqn qasab kagaqaadayaan.

Waxay Ciidanka gumaysiga Itoobiya maalmihii u dambeeyay dadka shacabka ah ee dagan Tuulooyinkaas amar ku siinayeen in ay bixiyaan xoolo aad u badan oo aysan awoodin waxayna sida la sheegayo dadka ku qoreen lacago aad u badan, qaar ka mid ah Tuulooyinkaas shacabkadagan waxay ku qoreen lacag dhan 120,000 (Boqol & labaatan kun oo bir) halka tuulooyinka qaarna ay ku qoreen 60,000 (Lixdan kun oo bir) waxaana shacabka loo sheegay in ay xili dhow ku bixiyaan lacagtaas.

Arintan dadka lagu qasbayo lacag aysan awoodin ayay cabsi weyn ku abuurtay dadka dagan tuulooyinkaas oo aan haba yaraateen awoodin in ay bixiyaan xoolahaas, shacab oo xili Jiilaal ah diraac kululinaay bilaabatay ku jira una baahan in la caawiyo ayay ciidamada gumaysigu dulaan ku qadeen dadkaas nugulka ah ee aan wax dhaqaale ah awoodin.

Wararka qaar ayaa sheegaya in gabi ahaanba la joojiyay dhaqaalihii kooxda Hawaarinta ay Itoobiya siin jirtay waxaana la sheegaya in ay Askarta Wayaanuhu goáan ku gadheen in dadka laga qaado dhale mana jirto wax gorgortan ah ee waa qasab in ay bixiyaan qofkii bixin waayana waxay ugu hanjabeen in ay talaabo ka qaadayaan oo dambiyo uusan lahan dusha loo saarayo.

Maha markii ugu horaysay ee ay Askarta gumaysiga Itoobiya xoog ku qataan xoolaha shacabka Ogaadeenya taasina waxay dhaqan u tahay gumaysiga soo jireenka ah ee umada Ogaadeenya dulsaaran waana mida keentay in ay umadu dadaalu gasho sidii ay isticmaarka isaga dul qaadi lahayd.

Wariyaasha Qorahay Media oo qiimayn sameeyay ayaa sheegay in ay dhaqaalo xumo aad u badan soo wajahday Askarta Itoobiya ee ku sugan Ogaadeenya waxaana la sheegay in mushaar laáan ay baryahan dambe Askarta gumaysiga la soo daristay sidaas daraadeedan loo xalaaleeyay xoolaha dadka shacabka ah oo ay xoog ku booba haddana amar ku soo rogay in ay waajib kaga dhigaan in ay xoolo keenaan.

Dhimbil Guure
Qorahay Media
Ogaadeenya
qorahay99@yahoo.com