|
Mas'uuliyiin ka mid ah HAAB ee JWXO oo Jaaliyada Ogaadeenya ee wadanka Finland shirar muhiim ah la yeeshay. Feb 17, (2013 (QOL) Waxaa maanta shir ugu soo gabagaboobey magaalada Helsinki ee caasimada dalkan hawlwadeennada jaaliyada qaarada yurub iyo masuuliyiin ka tirsan Hogaanka Abaabulka & Arimaha Bulshada ee Jabahdda Waddanga Xoreynta Ogaadeenya.
Shirkaas oo socday 16-17 bishan ayay masuulinyiintan ayaa maanta oo axad ah waxay la shireen Jaaliyad weynta Soomaalida Ogadenia ee dalkan Finland shirkaas oo ka dhacay xafiiska Jaaliyadu ku leedahay magaalada Helsinki.
Masuuliyiintaas ayaa Jaaliyada siisay warbixino qiimo badan oo gudo iyo dibadba leh waxaana shirka dib loogu eegayey qaab shaqeedka Jaaliyadaha Ogadenia ee Qaarada Yurub & adkaynta wadashaqaynta Jaaliyadaha & siday isu kaashan lahaayeen cududda bulshadana loo midayn lahaa.
Shirka waxaa lagu qiimayn lagu sameeyey hab shaqeedka Jaaliyadaha Qaarada Yurub ka dhisan hadaba shirkaas oo muddo 2 maalmood ah ayaa looga hadlay arimo badan oo halganka & bulshadaba wax tar u leh, masuuliyiintan ayaa hadaba maanta waxay la kulmeen Jaaliyad weynta Somaalida Ogadenia ee dalkan Finland.
Aayado Qur'aan ah kadib ayaa waxaa shirka furay Gudoomiyaha Jaaliyada Soomaalida Ogadenia ee dalka Finland Mudane Xassan-Kamaal kana war bixiyey waxqabadka Jaaliyadda kadib waxaa hadalka lagu soo dhoweeyey Mudane Colaad oo ah Hogaanka qorshaynta Haab oo warbixin dheer siiyey bulshadii meesha isugu timid sidoo kale xubno badan ayaa meesha ka hadlay warbixin qiimo badan siiyey bulshada.
Masuuliyiintan ayaa kakala yimid dhamaan qaarada yurub dhamaantoodna ka warbixiyeen jaaliyada ay ka socdaan iyo siday u shaqeeyaan, shirkan ayaa dhamaan laysku raacay qodobadii meesha yaalay wuxuuna kusoo gabagaboobey jawi wanaagsan farxad iyo is afgarad.
|
