Feb 19, (2013 (QOL) Wararkan naga soo gaadhay gudaha Ogaadeenya ayaa sheegaya dagaalo aad u badan oo shalay ka kala dhacay meelo kamid ah Ogaadeenya kuwaas oo u dhexeeya Ciidanka Waddaniga Xoreynta Ogaadeenya & Askarta Gumaysiga Itoobiya.

Wariyaha Qorahay Media uga soo warama gudaha Ogaadeenya ayaa sheegay dagaal aad u culus oo ay CWXO shalay aroortii hore ku qadeen saldhig ciidan oo ay daganayeen Askarta daalan ee Gumaysiga Itoobiya waxaana la sheegayaa in uu dagaalku ahaa mid qorshaysay CWXO ay ku fadhisten ayaga oo aan filaynin.

Saldhigan oo ay Askarta gumaysiga Itoobiya daganayeen ayaa ku yaalay meesha loo yaqaano Argeegta oo ka tirsan Fiiq waxaana la sheegaya in ay gabi ahaanba saldhigaas gacanta ku dhigeen hub aad u badan & maxaabiisan gacanta ku dhigeen. Sida uu Warbaahinta Qorahay Media u xaqiijiyay mid kamid ah sarakiisha weerkaas qaaday ayaa sheegay in ay ka heleen halkaas Hub aad u badan kadibna ay iskood iskaga bexeen ayaga oo aad u faraxsan.

Isla shalay aroortii waxay Ciidanka Waddaniga Xoreynta Ogaadeenya weerar qorshaysan ku qadeen meesha lagu magacaabo Nadhi oo ka tirsan Baabili waxaana halkaas daganaa Askarta gumaysiga oo aad u yaraa waxaana la sheegaya in ay carareen oo goobtaasna baneyeen qalab Milatari ka heleen.

Shalay duhuradii ayuu dagaal ka qarxay meesha lagu magacaabo Cadaleey oo aaga dhagaxbuur ah dagaalkaas oo ay weerka lahaayeen CWXO ayaga oo weeraray Askarta Itoobiyaan ah oo halkaas marayay waxaana la sheegayaa in uu dagaalkaas ahaa mid aad u xoogbadan oo gurmadyo labada dhinacba u kala yimadeen waxaana la sheegayaa in uu 7 jeer oo kala duwan dagaalku ka socday halkaas.

Weeraradan aan kala joogsiga lahayn ee ay CWXO qaadayaan ayaa ah kuwa maalin walba dhaca waxaana aad laysu weydiinayaa weerka aan kala joogsiga lahayn ee lagu bar-tilaameedsanayo Askarta Gumaysiga Itoobiya oo jiif & joogba loo diiday ayaga oo ka soo bixi la dhufaysyada ay qoteen.

Wixii ka soo kordha kala soco Qorahay Media

Dhimbil Guure
Qorahay Media
Ogaadeenya
qorahay99@yahoo.com