Feb 21, (2013 (QOL) Waxaa in muddo ahba xidhiidhkoodu si taag taag ah ahaa labada xukuumadood ee Sacuudi Carabiya iyo Sirillanka is faham la,aan muddo soo jiitantey awgeed. Xidhiidhka labadan dal ayaa xumaaday kadib markey gabadh jaariyad aheyd oo Sirilanka u dhalatay ay dishay waa sii horeysey ilmo yar oo ay dhaleen dadka ay iyadu u shaqeyneysey oo Sacuudiyaan ahaa.

Gabadhaas ayaa lagu xukumey dil kadib markey qiratay inay ilmahaas yar marjisey hadaba intaan lagu fulinin gabadhaas xukunka dilka ah ayaa waxey dowladda Sirilanka si aad ah isugu dayday inay gabadhaas nolosheeda bad baadiso iyadoo baaqyo kala duwan u dirtay madaxda dalka Sucuudiga. Ugu danbeystiina markii asbuucan gabadhaas xukunkii lagu fuliyey ayey dowladda Sirilanka safiirkeedi u joogey magaalada Riyaad si dag dag ah ugala baxday wadanka Sucuudiga.

Waxaa sidoo kale tallaabo ceykaas oo kale ah kaga jawaabtey dowladda sucuudiga oo habenkii xalay iyana dib ugu soo ceshatey safiirkeedi u fadhiyry wadanka Sirilanka iyadoo tidhi wada tashi ayaa safiirka loogu yeedhay
dalka Sacuudiga oo ah dal qani ku ah saliidda ayaa wuxuu dibadda ka soo dhoofsadaa dad shaqaale ah oo Aasiyaan u badan kuwaas oo rag iyo dumarba isugu jira iyagoo qaar kamid ah dadkaasu ay ku kacaan danbiyo halis ah kadib marka ay xammili waayaan macaamil xumada dadka ay u shaqeeyaan ee kafiilka ka ah.

Daljir Keyd
Qorahay Media Kenya