Feb 21, (2013 (QOL) Warar hordhac ah oo hadda soo gaadhaya Qorahay Media ayaa sheegaya in shalay duhuradii lagu dilay Ina Labagole aaga Qabri-bayax kadib weerar lagu qaaday ciidan uu la socday oo ka soo baxay dhanka JigJiga.

Warkan oo aan la xaqiijinin ayaa laga soo dheegayaa Magaalada JigJiga sida ay shegeen kooxda Hawaarinta ee dabadhoonka u ah Gumaysiga Itoobiya waxaana kooxdaas laga dareemayaa niyadjab weyn ayaga oo si hoose isugu sheegaya waa dhaawac balse sida wararka nasoo gaadhaya ay sheegayaan in uu dhintay oo Ciidanka Waddaniga Xoreynta Ogaadeenya ku dileen aaga Qabri-Bayax.

Ina Laba go'le oo kamid ahaa shaqsiyaadka sida weyn looga yaqaano Ogaadeenya laguna bartay ciqaabta & Jidhdilka dadka ayaa mudooyinkii dambe ka waday guud ahaanba Ogaadeenya in uu dadka ula dhaqmo si aad u foolxun oo qaarkamid ah Gabdhaha Ogaadeenya uu naasaha dab kaga dhajin jiray qarkoodna ay hadda ku sugan yihiin Xeryaha qoxootiga ee ku yaala dalka Kenya waxaana xabsiyada ugu jira kuwo kale oo aad u badan.

Waxaan in badan soo tabinay tacadiyo aad u badan oo uu gaystay Ina Labagole isaga oo masuul ka ahaa kooxda Hawaarinta oo ah koox ay Askarta Gumaysiga Itoobiya u carbiyeen ayaga oo baray sida dadka loo laayo loo boobo & sida loo barakiciyo waana koox aan xishoonaynin.

Ugu dambayntii waxaa muuqata CWXO in ay kaga dhabeyeen go'aankodii ahaa in ay u hiiliyaan shacabka Ogaadeenya oo ay kuwa dhibaataynaya ee cadwga ka raacay aynan u naxaynin, bishii hore ayay ahayd markii ay kuwii ugu dhibka badnaa ay ku layeen meelo kala duwan oo Ogaadeenya kamid ah.

Si kasbata ha haa dagaalada Ogaadeenya ayaa sii kordhay oo CWXO ayaa tabo & qorshayaal cusub la soo baxay wixii ka soo kordha dib ayaa ka soo dheegu donaa haduu allaah yidhaahdo.

Dhimbil Guure
Qorahay Media
Ogaadeenya
qorahay99@yahoo.com