12-12-2007 (QOL) Maanta oo arbaca ah waxay ku beegan tahay 12/12/99 markii shabagadda warbaahinta ee Qorahay Online ay si toos ah ay hawada u gashay islamarkaasna ay biloowday in ay baahiso dhammaan wararka caalamka si dadka Soomaliyeed ee ku dhaqan dunida dacaladeedda ay si fiican ay ula socdaan wararka ka jira gobolka Geeska Afrika gaar ahaan Ogaadeenya & Soomaaliya oo ah meelo dhibaatooyin badani ka taagan yihiin gaar ahaan Ogaadeenya oo ka socdo dagaal mudooyinkii dambe aad marba marka ka dambaysa sii badanaya.

Tan iyo wixii ka dambeeyey xilligii dhidibadda loo aasay warbaahinta Qorahay Online waxay bulsha waynta Soomaaliyeed meel kasta ha joogtee ay ka haqab tirtay dhammaan macluumaadkii ay u baahnaayeen haddii ay tahay, Warar xaqiiqo ah, Suugaan, madadaalo, Gabayo wadani ah Waraysiyo iyo waliba Faalooyin hadba lagu eegayo heerka ay marayso, taasi oo keentay in dadka sida gaarka ah ugu xiran Website-ka ay waraaqo dhambaalo ah ay ku soo gaarsiiyaan

Warbaahinta caalamiga ah ee Qorahay Online ayaa waxaa mudooyinkii ugu dambeeyey ka howlgalayey wariyayaal xirfad u leh waxyaabaha ay qabanayaan, kuwaasi oo wararka uga soo diraya goobo kala duwan oo ka mid ah caalamkan aynu ku nool nahay si dadka loo gaarsiiyo hadba wixii cusub ee dunida ka dhaca.

Magaaladda Nairobi ayaa waxay ahayn muddooyinkii ugu dambeeysay meelaha dadka Soomaaliyeed ee ku dhaqan ay sida wayn ay uga booqdaan Shabagadda Qorahay Online, si ay uga dheehdaan wararka ay u baahan yihiin, maadaama ay warbaahintaasi tahay kuwa ugu faca wayn marka la eeggo shabagadaha kale ee haatan hawada ku jira ee Soomaaliyeed, Waxaanna shabagaddan lagu amaanay dhexdhexaadnimo iyo soo tabinta wararka deg degga ah ee gobalka Geeska Afrika ka jira, maadaama ay goob walba ku leeyihiin saxafiyiin uga soo warrama.

Waxayna haatan mas"uuliyiinta Shabagadda warbaahinta ee Qorahay Online ay u ballan qaadayaan dhammaan dadka Soomaaliyeed ee sida tooska ah ugu baahan waraka iyo barnaamijyadda shabagadda Qorahay Online in ay sare u sii qaadayaan howlaha ay u hayaan bulsho waynta soomaaliyeed

Waxay shaqaalaha bogga Qorahay Online tahniyad & bogaadinba u dirayaan dhamaan Wariyaasha Qorahay Online, iyo tafatirayaasha boggan oo runtii soo qabtay arimo aad mihiim u ah lana iloobi karin taas oo ay u qabteen umadooda.

Sidoo kale waxaan salaamaynaa dhamaan Akhristayaasha Qorahay Online anaga oo u balan qaadaynaa in aan sii laban laabno da-daalka aan ku jiro oo ah sidii aan idiinka haqab tiri lahayn hadba wixii soo kordha.

Hadii aad doonayso in aad u tahniyadayso Qorahay Online u dir e-mailka ah qorahay99@yahoo.com Hambalyo Hambalyo Hambalyo Qorahay Online.

Maamulka
Qorahay Online