Dec 7, 2012 (QOL) Mahad oo dhan Allah ayeey u sugnaatay-Naxariis iyo nabadgelyoSuubane Rasuulkeena Muxamed CSW korkiisa,masuuliyada ayaa ah amaano culeeyskeeda leh basharkana lagu imtixaamaayo sida
eey hab cadaalad,xaq soor iyo sinaan leh wax ugu hogaamiyaan ama xilkaas weyn u gutaan(Cadaalad buuxda Raxmaanka keliyaayaa leh).

Dhaq-dhaqaaqa Soomaaliyeed nabada,midnimada iyo cadaaladda codka inta damiirka,dareenka wadaniyadeed iyo qiiradda nool leh Diintooda iyo dalkooda Jecel-waxaanu halkan amaan,bogaadin iyo dhiiri-gelinba uga gudbineeynaa Maamulka KMG ah Kismaayo oo mudadan yar ka dhisnaa muujiyeey adaal,karti,masuuliyad iyo hab hufnaantiisa leh taasoo la qiray in kismaayo noqotay magaalada ugu nabadgelyo iyo xasilooni wanaagsan guud ahaanba degaamada ama magaalooyinka waaweyn ee koonfurta Somalia,waa guul farxadeeda leh(Allah mahad leh) inkastoo warbaahinta cuqdadeeysan warar been ah iyo dacaayad joogto ah iyo abuurida waxyaabo aan jirin-Sidda:-
XasaradTV(Ex-UnuversalTV)shabeele.net hooyga qabyaalada,been sheegida iyo kala fogeeynta somaalida oo ka duulaaya aragtida lunsan ee kooxdda Midnimo iyo Federaal diidka.

http://youtu.be/YgPQRlrfOB8

Waxaanu si diiran u soo dhoweeyneynaa habka wanaagsan Islaanimada ku saleeysan oo Maamulka KMG ah u qeybiyeen kaalmadii gargaarka ahaa oo dhowaan magaaladda Kismaayo la gaarsiiyeey looguna talo galay dadka saboolka(Masaakiinta) runtii waxaa farxadeeda leh habka hufnaanta iyo amaanadda leh oo kaalmadaas qiimaheedda laheyd loo gaarsiiyeey qoysaska dan-yarta ah, anagoo ka codasneeyna hey'adaha Samafalka heer caalami iyo kuwo wadaniga ah in eey dadaalkooda laban- laabaan,sidoo kale waxaanu halkan baaq uga direeynaa Jaaliyadda asal ahaan ka soo jeeda degaamada Jubbaland meel aduunyada ka jooganba in eey gartaan isla markaana gutaan masuuliyadda dadkooda,dhulkooda iyo aayo ka tashigoodaba qadiyadoodaba mudnaanta koowaad siiyaan adkeeynta midnimadooda iyo wada jirkooda iyo u hiil bixida dhulkooda.

Gunaanadka qormadan kooban waxaanu ku adkeeyneeynaa Maamulka KMG Kismaayo,Gudigga farsamadda,xoogga amaanka,ciidanka xoogga Dalka iyo kuwo Amisonba in eey wada shaqeeyntooda iyo iskaashigooda hanaan wanaagiisa leh ku dadaalaan xoojintiisa iyo sugidda amaanka Kismaayo iyo degaamada ku xeeranba xiligan oo howlihii qabanqaabada Shir-weynta Jubbaland meel gabo-gabo ah maraaya ergooyinkii,martdii, joob-joogayaashii,bahdii warbaahinta iyo saxaafada la filaayo in eey
waqti dhoow halkaas soo gaaraan(2-dan asbuuc) si weyna isha loogun hayo shir-weynahaas iyo dhismaha ama curashadda Maamulka J/Land oo hadii Allah idmo noqon doona mid tusaale wanaagsan laga qaato hadii eey noqon laheyd( habka midnimada beelaha,cadaalada,xaq soorka iyo xeerinta walaalnimadda iyo degaanka wadaagaba).

-Ustaad-Xassan C/Laahi Sh.Maxamed(Xassan Carab)-
-sharifhassan50@hotmail.co.uk
-Dec-07-2012.