Dec 12, 2012 (QOL) Hambalyo Sanad-guuradda 13-naad ee Warbaahinta Wadaniga ah Qorahay Media 12-Dec 2012-Warbaahinta iyo saxaafaddu waa risaalad u adeegta danaha bulshadeeda, kaalin weyn ka qaadata dhanka wacyi-gelinta,horumarinta aqoonta,gudbinta macluumaadka cusub markaas faa'iida u leh mujtamaca iyo ka qeyb qaadashada qadiyadda karaamo difaacid ah ee dadku ama bulsho-weyntu u taagan tahay sida halganka xoriyada.

http://youtu.be/VEoZaMoebzY

http://youtu.be/LIRbNOZrR8M

Shaki kama jiro in Warbaahinta Qorahay tahay hormuudka,horseedka iyo Iftiinka hanaanka wanaagsan ee warbaahinta Somaaliyeed kuna sifoowdeey hab hufnaan,hanaan dhex-dhexaadnimo,illaalinta xaqa iyo xurmadda dadka,sugnaata wararka iyo soo bandhiga dhacdooyinka oo xaqiiqada ku saleeysan, Qorahay Media halgamaa xaq difaacidda gobanimo raadiinta iyo Milgo ku dhimashada u taagan,Warbaahin leh
dhanka Saxaafadda, Baahinta Idaacadeed iyo Muqaalka TV-ba waana hab laga heli karaayo warbaahin kooban.

Hadaba anigoo ah Ustaad-Xassan Carab kana mid ah shakhsiyaadka sidda joogtada ah xiriirka wanaagsan la wadaaga warbaahinta Qorahay Media waxaan halkan hambalyo diiran uga soo gudbinaayaa:-Agaasimka, Howlwadeenada, farsama-yaqaanadda iyo wakiiladda Qorahay Media iyo guud ahaanba bah-weynta akhristayaasha, dhegeeystayaasha iyo daawadayaasha xurmadooda leh Qorahay Media sanad guuro wacaan, noqda kuwii sanadka sanadkiisa kale ku gaara nabad qab, kheyr badan, guulo dhab ah iyo horumar Inshaa Allah).

Ustaad-Xassan Carab
West Yorkshire-England-UK
Dec-12-2012.