Dec 16, 2012 (QOL) Magaalada Perth ee xarunta Galbeedka waxaa lagu qabtay munaasibad aad u balaadhan oo lagu maamuusayay 13 guurada ka soo wareegtay aas-aaskii Qorahay Media, munaasibada oo si her sare ah loo soo agaasimay waxaa ka soo qayb galay bulshada qaybaheeda kala duwan.

Ugu horeyn waxaa xaflaada furtay islamarkaasna xidhiidhinaysay Marwo Nimco Sharif Muhumed (Sharaf) oo dadweynaha u mahad celisay soona dhawaysay waxayna cod baahiyaha ku soo dhaweysay Sheikh Mohamed Dheeg oo aayado Qur’aan ah xaflaada ku furay.

Sheeka oo dadkii madasha yimid cabsida Alle ku baraarujiyay ayaa dhanka kalana bahada Qorhaya Media u hambalyeeyay kuna amaanay hawsha saxaafadeed ee aadka u hufan ee ay guud ahaan umada Soomalaiyeed u hayaan gaar ahaan shacabka dulman ee Ogaadeenya oo u baahan hiillo dhinac walba ah saxaafadana baahi weyn u qaba isagoo sheekhu cadeeyay in ay Warbaahinta QM.

Waxaa isna xaflaad hadal qiimo badan ka jeediyay Gudoomiyaha Jaaliyada Soomalida Ogaadeenya ee Galbeedka Australia Mudane Abwaan Kaldeeq Muuse oo si aad ah ugu hamablyeeyay maamulka & hawlwadeenada QM kuna amaanay dadaalka joogtada ah ee sida aadka ee Saxaafada QM looga dheehanayo.

Xaflada waxaa ka hadlay Mudane Dr. Ahmed Sheikh M Dalmar oo ka mid ah waxgadarka &hogaaminta Jaaliyada Soomalaida Ogaadeenya ee Perth, Dr. Dalmar wuxuuu si aad ah ugu hamablyeeyay una bogaadiyay bahada QM wuxuuna tilmaamay in ay warbaahinta QM tahay hoy looga adeego bulshada Ogaadeenya xaqana u taagan oo si aan gaabsho lahayn shacabka Ogaadeenya ugu hiiliya.

Intaas kadib waxaa codbaahiyaha lagu soo dhawaysay Agaasimaha Qorahay Media Pacific-ga uqaabilsan Mudane Ahmed Sheikh Adan (Ahiib) oo si aad ah dadweynihiii xaflada ka soo qaybgalay ugu mahad celiyay, Mudane Ahiib wuxuu si aad ah u faahfaahiyay ujeedadii xafladan loo qabtay wuxuuna ka warbixiyay waxqabadka QM qabta Pasific-ga.

Waxaa xaflada ka qayb galay Afhayeenka Jabahdda Waddaniga Xoraynta Ogaadeenya Mudane Abdiqadir Sh. Hassan Hiirmooge (Caddani) oo si aan la qiyaasi karin bahada Qorahay ugu hamablyeeyay, Mudane wuxuu xusay waxtarka ay QM shacabka Ogaadeenya u leedahay & hiilka balaadhan ee hagar la’aanta ah ee ay ilaa bilowgii la garab tagaantahay.

Mudane Caddani wuxuu aad ugu nuuxnuuxsaday faa’iidooyinka ay QM shacabka Ogaadeenya & halganka xaqa ah u leedahay sidoo kale wuxuu ifiyay in ay jiraan maagcyo aan tayo laahyn oo saxaafad lagu sheego kuwaas oo aan wax nacfi ah lahayn isagoo sheegay in ay QM aad kuwa noocaas ah uga duwantahay kuna tilmamay in ay tahay saxaafad hadafkii loo sameeyay si weyn ugu qotonta isla markaasna aan xaqa & baadilka dhexdhexaad ka noqonin si cad oo badheedh ahan u difaacda sharafta dadka Ogaadeenya & guud ahaan qadiyada la xabaalay ee caalamka laga daboolay.

Mudane Caddani oo aad ugu dheeraaday sharaxaada QM wuxuuna si weyn bahada QM ugu amaanay habka isu dheeli tiran ee ay u shaqeeyaan isagoo carabka ku dhuftay in ay QM kulansatay waxayaalo faro badan oo aysan saxaafada Soomaalida badankeed lahayn.

Waxaayabaha uu Mudane Caddani QM ku amaanay waxaa ka mid ah siiqada waadixa ah ee loo diyaariyo dhamaan qoraalada& barnaamijyada ka baxa sida arimaha wacyigalinta, kuwa diiniga ah, wararka, maqaalada, suugaanta & dhaqanka oo uu sheegay in uu intaba QM kaga bogto, wuxuna intaas raaciyay in QM ay tahay rugta lagu barbaariyo garaadka dhalinta Soomalida Ogadeenya ee aan helin nasiibna u yeelanin in ay dhulkooda hooyo ee Ogaadeenya si xor ah ugu noolaadaan isla markaasna ay bartaan dhaqanka, deegaanka, khayraadka & taariikhda guunka ah ee dhulka Ogaadeenya.

Mudane Caddani oo bahada QM si weyn ugu amaanay dadaalka faraha baadan & firinfircoonida dheeriga ah ee ay ku shaqeeyaan wuxuu kula dardaarmay in ay mesha aya haatan eegga maarayan horay uga sii socdaan.

Waxaa isna codbaahiyaha lagu soo dhaweeyay aas-aasihii Saxaafada QM unkay Mudane Mohamed Ibrahim oo dadweynihi xaflada ka soo qayb galay si weyn ugu mahad celiyay, Mudane Mohamed wuxuu si qoto dheer uga hadlay sababihii ku kalifay in uu isagoon cidna la kaashanin ku dhaqaaqo abuurida saxaafad uu mudo dheer kali ku ahaa duruufo kala duwana uu u babac dhigo.

Mudana Mohamed wuxuu sharaaxaad dheer ka bixiyay ujeedadii uu QM u aas-aasay & wixii ku kalifay wuxuuna si aad ah u iftiimiyay marxaladihii kala duwanaa ee ay warbaahinta QM soo martay wuxuuna tibaaxay sooyaalkii warbaahinta QM oo uu sheegay in ay keentay baahida ay dadka Ogaadeenya xiligaas u qabeen cid u diir naxda oo soo gudbisa dhibaatooyinka baaxada culus ee gumaysiga Itoobiya uu mudada dheer ku hayay.

Aas-aasaha QM wuxuu ku nuuxnuuxsaday in ay tahay warbaahin u taagan ka turjumida xaqiiqada & u hiilinta shacabka Ogaadeenya wuxuuna intaas raaciyay in aysan dhexdhexaad ka ahayn dulmiga & xaqa sidoo kale wuxuu carabka ku adkeeyay in ay bahada QM ka go'antahay in ay si aad ah ugu darbanaadaan hawlaha loogu hiilinayo shacabka Ogaadeenya ee dulman ayna sii laban laabi doonaan dadaalka dhan walba ah ee Warbaahinta QM laga dareemayo mustaqbalka dhawna waxweyn lagu kordhin doono hadii uu Alle idmo.

Mudane Mohamed wuxuu si aad ah ugu dheeraaday hadafka QM & yoolka ay higsanayso oo ah in ay difaacdo shacabka Ogaadeenya soona bandhigto tacadiyada kala duwan ee gumaysiga Itoobiya uu sida joogtada ah bulshada Ogaadeenya ugu gaysto.

Mudane Mohamed oo hadal dheer oo aad u qiimo badan madasha ka jeediyay ayaa hamablyo & bogaadin aad u culus u diray hawlawdeenada QM & dhamaan akhristeyaasha sida joogtada ah ula socda talooyinka & fikradaha horu marineedna la wadaaga wuxuuna ku booriyay in ay dadaalkooda sii kobciyaan.

Waxaa isna maadsha ka hadlay Mudane Daa'uud oo ka mid ah da'yarta qurbaha ku barbaartay waxana ku baratay sida weyna ugu xidhan warbaahinta QM, Mudane Daa'uud wuxuu soo bandhigay warbixin dheer oo luuqada English-ka ku baxaysay kuna saabsanayd faa'iidooyinka & dhibaatooyinka ay saxaafadu leedahay wuxuuna sheegay in uu mudo u kuur galayay isna barbar dhigaya labadaas arimood.

Mudane Daa'uud wuxuu sheegay in uu mudooyinkii uu baadhitaankaas waday ku taxnaa warbaahinta QM islamarkaasna uu si weyn ula dhacay habka ay u shaqayso wuxuuna aad u bogaadiya maamulka & hawlwadeenada QM oo uu ku booriyay in ay dadaalkooda sii kordhiyaan.

Xafladan oo aan loo kala hadhin waxaa ka qayb gashay Abwaanad Rooda Ibrahim A.Gurey (Afjanno) oo dadkii munaasibadan soo qaban qaabiyay ka mid ahayd, Abwaanad Rooda waxay ku dheeraatay ahamiyada balaadhan ee ay saxaafadu guud ahaan aadamaha dunida ku nool u leedahay gaar ahaan shacabka Ogaadeenya oo gumaysi ku raagay caalamkuna uusan xog dhab ah ka haynin.

Abwaanada oo waayadan dambe horumarinta QM si weyn uga qayb qaadanaysay ayaa sheegtay in saxaafada faa'iidooyinka laga dhaxlo ay aad u badan yihiin waxayna tusaale u soo qaadatay horumarka ay iyadu shaqsiyan ka gaadhay habka saxaafada loola falgalo taas oo ay sheegatay in ay tahay waxyaabaha ay QM ku guulaysatay, Abawanadu waxay sheegtay in ay aad ugu faarxsantahay guud ahaan saxaafada shacabka Ogaadeenya ka turjunta gaar ahaan QM oo ay sheegtay in ay faa'iido & aqoon aad u balaadhan ka heshay taas oo ay tilmaantay in ay QMna faa'iido u tahay ayna kamid tahay dadka warbaahinta QM sida aadka ah uga hawlgala.

Dadweynihiii xaflada ka hadlay ayaa dhamaantood bahada QM u hambalyeeyay kuna amaanay firin fircoonida daacadnimada ku salaysan ee ay hawlaha ku geedi galinayaan waxaana laysla qiray in ay warbaahinta QM tahay galad uu rabi shacabka Ogaadeenya ku manaystay in la dhiiri galiyana mudan, waxyaalihii ay dadka xaflada ka hadlay kamidaysnaayeen waxaa kamid ahaa habka aklhaaqda ku dhisan ee ay Warbaahinta QM u shaqayso.

Waxaa maadsha shahaadooyin lagu gudoonsiiyay qaar ka mid ah hawlwadeenada QM ee daafahadunida kala jooga waxaana xusid mudan in ay QM markii ugu horaysay bixiso shahaadooyin caalami ah waxaana shahaadada koobaad loo gartay Mudane Hassan Abdullahi Sheikh Mohamed (Ustaad Hassan Arab) oo ah qoraa Soomaaliyeed kana mid ah dadka uu damiirkoodu kaamilka yahay marwalbana maskaxdiisa & qalinkiisa ugu hiiliya guud ahaan umadda Soomaaliyeed meelkastoo ay joogaan.

Isku soo wadaduubo xafalda 13jirsashada QM lagu maamuusayay laguna qabtayMaglaada Perth eexarunta Galbeedka Australia ayaa jawi aad u farxad badan ku soo gabagabowday.

Qorahay Media
qorahay99@yahoo.com