|
Ururka OYSU ee Magaalada Perth oo qabtay Barnaamijkii Cun oo Caawi si habsami ahna u gaba-gabeeyay. Dec 30, (2012 (QOL) Ururka Dhalinta & Ardayda Soomaalida Ogaadeenya ee loo yaqaano OYSU ayaa maanta isugu yimid Baaga weyn ee ku yaala xaafadda Nallamara kaas oo ay ka soo qaybgaleen Jaaliyadda Ogaadeenya qaybaheeda kala duwan waxaana kamid ahaa dhalinta day'arta ah Hooyooyinka Odayaasha & Dhamaan qaybaha ay Jaaliyadu ka kooban.
Waxay Dhalintu halkaas ku soo bandhigeen Barnaamij ay ugu magac dareen Cun oo Caawi kaas oo dhamaan dadkii Baaga isugu yimid ay ku gadanayeen Cunta aad u macaan oo loogu tala galay in qofku isaga oo gadanaya hadana uu sadaqaysanayo taas oo ay dhamaan dadkii meesha isugu yimid aad ugu wada faraxsanaayeen waxayna Jaaliyadu u soo dhaweysay barnaamija aadka u wanaagsan ee ay dhalintu soo bandhigtay ayaga oo halkaas ay isku arkeen dhamaan Jaaliyadda qaybaheeda kala duwan waxaana barnaamijka la bilaabay xili gaaban qoraxda oo aad u kululeed. Jaaliyadda Ogaadeenya & dhamaan dadkii ka soo qaybgalay ayaa dhalinta ku adkeeyay in ay sii wadaan barnamijka oo ah mid laba faa'iido leh waada hore isu imaatinka oo ah mid farxad weyn huwan & adiga oo cunto gadanaya hadana caawimaad tahay waxaana dhalinta si weyn loogu dhiira galiyay in ay halkaas ka sii wadaan baraamijka qiimaha badan ee ay Baaga weyn ee ku yaala badhtanka Nallamara kaas oo loo wada bogay.
Dhanka kale waxaa halkaas ciyaaro kala duwan ku camirtay dhalintii da'yarta aheyd ee Baaga isugu yimid ayaga oo aad u ciyaarayay oo dhamaan waalidiintii meesha yimid ku wada faraxsanayeen ayaga oo ilma walba iskii u daalay kuna arkay dad badan oo Jaaliyadda ah. Waxaa halkaas lagu wada tukaday salaadii Casarka & Maqribkii ayaga oo xili dambe laga soo dareeray goobtii farxadda badnayd ee Jaaliyadu isku timid waxaana amaan & gubaabo lusoo jeediyay Maamulka Ururka OYSU oo amaabulka & qorshahanba lahaa ayaga oo ujeedadii ay lahaayeen gaadhay balan qaadayna in ay sii wadayaan Barnaamijka marar kala duwan qaban donaa.
Si kastaba waxaa guul weyn u ah dhamaan Jaaliyadda Ogaadeenya oo si weyn u dhistay ururka dhalinta oo kaalintooda maanta qaatay ayaga oo barnaamijyo kala duwan kawada guud ahaan Waddamada Pacifica gaar ahaan dalka Australia oo si weyn looga dareemayo wax qabadka Jaaliyaadka Ogaadeenya & sida ay marwalba u xasuustaan dalkooda Hooyo oo ah dal lagumaysato oo marwalba ka soo yeedhaysa tacadiyada joogtada ah ee ay Askarta Wayaanugu ka wadaan Ogaadeenya.
Qorahay Media |
