Duljoogso : Halganka Ogadenya Hillinkisa Haystaa ee Adeegga Xilliga Cusuboow adigu Hanuunka ha Seegin

Warar

Dhulka Somalida Ogadenya muddo dheer ayaa ka socdaan Halganno gobonimo doon,kuwaas oo lasoo bilaamay Imaatinkii Gumeysiga Ethiopia ee dhulka Ogadenya,Halgannadaas Shacabka Somalida Ogadenya kala hortageen Gumeysiga waa kuwo badbaadiyay si dhameystiran u ilaaliyay Sumadaha rasmiga ah ee Ogadenya lahayd gumeysiga ka hor, sumadahaas oo aan midkoodna sal guurin balse gumeysigu uu inbadan isku hawlayay baabinta astaamaha asalka u ah jiritaanka Somalida Ogadenya si uu u dhameystiro ujeedadisa guracan oo nuxurkedu ku biyo shubanayo Doori oo dabar jar.Haddaba haganadaas hore ee ilaaliyay Sumadaha rasmiga ah ee Somalida Ogadenya wax kasoo farcamay ama ka dhashay Halganka Hubeysan ee Somalida Ogadenya xilligan Xornimadood ku baadi goobeyso ee Ururka ONLF Hogaamiyo,inkasta oo duruufo iyo xilliyo ka adag xilliyadii hore Halgankan kusoo beegmay haddan taas ma noqon mid loo dabcay ee ONLF waxay ku guulaysatay inay duruufaha xilliyeed la fal gasho aayaha shacabka Ogadenya kula dhex dabaalato duruuf kasta oo taagan,Dareen waddaniya & mid siyaasiya oo han sare iyo hanaan tolmoon lagu hagaayo oo ONLF la timi ayaa noqday kuwo si dhameystiran u caaabiyay weerarka Jiritaanka Ogadenya ku wajahan ee Cadoowga iyo Duruufaha xilliyeed oo wada socda shacabka Ogadenya kaga yimi.

duljoogso3

ONLF waxay ku guulaystay inay Halganka Gobonimo doonka ah ee Somalida Ogadenya si dhameystiran ugu rogto Halgan Shacab oo aan ku koobneyn Urur kaliya taasina waa ta keenaysay in gumeystaha Ethiopia uuna cid ka mid ah Somalida Ogadenya uuna aamin Karin xataa adeegayaashisa waa ta keenaysay Caruurta aan dhulkaba arag inay garanayaa halka ay leeyahiin iyo cida Gumeysata waa ta keenaysa in Ilmaha xabsi ku dhashay ee kuweynaday ee aan madax banaani daayo dabad maris arkin uu haddana Gumeystuhu cabsida uga qabo.

Kolkaad dareen waddaniya meel iska dhigto ee aad dareen Siyaasiya ku qiimayso dagaalka ONLF & Gumeysiga Ethiopia waxa kuu muuqanaysa in arrimaha Assaliga ah ee aan farac ahayn dhamaantod gumeysiga looga adkaaday balse taas macnaheedu maaha gumeysigu inama xanuujin dhibtiisina waa la yareeyay balse taas macnaheedu waxa weeye cimrigii dhibtu sii socon karaysay waa lasoo koobay si kale hadaan u dhigo guulaha macnawiga ah ee ONLF gumeysiga ka gaadhay ayaa weeyaan in Cimriguu gumeysigu sii jiri karayay soo ururaan tani waxa sal u ah dumitaanka tiirarka uu kujirayo oo ONLF qeyb weyn ka ciyaartay.

Marka si siyaasiya wax loo lafo gurayo waxa laysku waafaqsan yahay dhacdo xilli dhacaysa waxay sadaal ama tafsiir ka bixisa dhacdo kale oo soo socota Cilmiga Siyaasadu wuxuu isku xidhxidhaan dhacdooyinkaas iyo kuwa keenay si loo garto maxaa soo muuqda mustaqbalka dheer ama dhow innago xisaabtas ku saleynayna dagaalka Gumeysiga & Xornimo doonka ONLF waxa muuqata in guulo dhaxal gal ah lagu gaadhay taas macnahedu maaha in xanuunki gumeysigu yaraanayo balse waa soo koobnanta xilliga ay sii socon karaan.

Haddaba Ethiopia oo ka duulaysa leebka ku gaadhan ee halganka ONLF ku hayo waxay jeceshay xilli kasta iyo xaal kastan ka shaqeynaysa sidii si macnawiya ama siyaasiya ugaga guulaysan lahayd ONLF,Caqliga macangaga ah ee gumeysiga oo xog badan ka hellay dadka Somaliyeed wuxuu istusayaa in hab dhaqameedka umadeena ku saleeyo dagaalkisa saas darteed xilliga ku qadhaadh oo taagan ayuu isku dayaaya inuu abaabulo kooxo magacyo badan balse isku macno ah.

Gumeysiga waa dumeen Tirarkii aasaasiga u ahaa jiritankisa iyo jiritan qaran oo dhanba hab macnawiyan waa u dumay arrimaha maadiga ah ee uu kusii taaganyahayna maaha kuwo sii waday oo kuwaasba tiirarkii aasaaska u ahaa ee ay kutaaganayen waa idlaaden xilligana cida u shaqeynaysa waa cid IImaan yaraanta ay u dheertahay Inuu indhahiisa la aragti yahay balse kuwaas waxaan odhan lahayn Halganka Ogadenya Hillinkisa Haystaa ee hanuunka ha seegin.

Qorahay Media

1,754 total views, 0 views today

Share
Warar
Ciidamada Lugta Ah Ee Turki Oo Gudaha U Galay Deegaano Waqooyi Syria Ah Guulana Ka Sameynayo

Ciidamada Lugta Turkiga oo wata taangiyada dagaalka, ayaa Maanta gudaha u galay Waqooyiga Syria, si looga takhaluso dagaal-yahanada Kurdiyiinta Syria, iyadoona uu ujeedku yahay in laga saaro deegaanada ku teedsan xadka labada dal. Dowladda Turkiga, ayaa Sabtidii qaaday guluf ballaadhan oo ay qayb ka yihiin diyaaradaheeda dagaalka, kadib markii Madaxweyne …

4,446 total views, 0 views today

Share
Warar
Yaa Masuul Ka Ah FashilkaIyo Fowdada Dowlada Farmaajo? Wax Ka Ogow

Dad badan ayaa la yaaban isbedallada iyo fowdada ka dhex jirta dowladda Federaalka ee uu hoggaamiyo Madaxweyne Maxamed C/laahi Farmaajo, iyadoo Masuuliin Badan Xilka zlaga Qaaday Halka Ay Qaar Kale Iyagu Iska Casileen Xilalkoodi Xogta aan helnay ayaa caddeneysa cidda qaska ku haysa dowladda Farmaajo, waxayna dad badan aaminsan yihiin …

4,903 total views, 0 views today

Share
Warar
Alshabaab Oo Wadada U Galay Ciidamo Koonfur Galbeed Ka Tirsan Iyo Khasaare Ka Dhashay

Sida ay sheegayaan wararka naga soo gaadhaya degaano ka tirsan Gobolka Baay dagaal khasaare dhaliyay ayaa waxa uu dhex maray Ciidamo ka tirsan Maamulka Koonfur Galbeed Soomaaliya iyo xoogag ka tirsan ururka Al-shabaab. Xoogag ka tirsan ururka Al-shabaab ayaa weerar jidgal ah u dhigay Ciidamo ka tirsan Dowlad Goboleedka Koonfur …

5,306 total views, 0 views today

Share