Jan 3, (2013 (QOL) Qormadeena Duljoogso ee todobaadkan oo Cinwaankeedu yahay Maxaabiista Ogaadeenya oo goobaha loo daawasho tago (Musem) la mid noqday waxaan ku eegaynaa Maxaabiista gobolada kala duwan laga daad gureynayo loona been guurayo.

Xabsiyada Ogaadeenya ku yaala waxaa ku jira dad aad u tiro badan oo xiliyo kala duwan lagu xereeyay, maxaabiista kala duwan ee xabsiyada xaqdarada ku dhisan ku jira waxay ka koobanyihiin bulshada qaybaheeda kala duwan waxaana ka mid ah caruur xabnsiyada ku dhalatay, kuwo iyagoo aad u yaryar la xidhay, dhalinyaro arday u badan oo School-dii ay dhiganayeen laga soo qavnqantay & dad aad waayeello u ah oo qaarkood ay xanuuno halis ah qabeen jeelkuna uuga siii raaxeeyay.

Maxaabiista aan wax loo haystaa jirin waxay buux dhaafiyeen dhamaan jeelasha dadka masaakiinta ah lagu ciqaabo waxaana tiro belay maxaabiis sanooyin meeshaas iskaga jira oo aan wax ay u xidhanyihiin garanaynin si aan la qiyaasi karina loo bahdilay, hadaba gumaysiga Itoobiya oo qorshe walba ku fashilmay wuxuu mudooyinkii dambe waday olole balaadhan oo caalamka lagu khaldayo.

Shacabka Ogaadeenya oo si joogto ah loo bahdilo xabsiyo sababa la’aan ahana lagu guro ayaa xiligan buux dhaafiyay xabsiyadii loogu talo galay taasina waxay gumaysiga ku khasabtay in uu dad badan waa la cafiyay yidhaahdo, cafiska uu gumaysigu maxaabiista ku hafrayo wuxuu ka leeyahay laba u jeedo oo kala ah.
1.In uu caalmka u tuso in ay Itoobiya Dimuqraadiyadi ka jirto oo ruuxii dambi gala la xidho hadana la cafiyi karo
2.In dad hor leh oo xabsiyada lagu bahdilo loo baneeyo.

Dadka la hafrayo ee la leeyahay waa la cafinayaa intooda badan waa dadka dhalinyarada ah oo la doonayo in laga dhigo ciidan askarta gumaysiga xabada looga dhigo, intaas oo dhan waxaa ka yaab badan marka la doonayo in ololiha borobogaandhada la soofeeyo waxaa maxaabiista la mariyaa ciqaabtii ugu xumayd & bahdil aan la qiyaasi karin.

Tusaale ahaan ruuxu haduu ku xidhanyahay tuulo ama magaalo gobolada Ogaadeenya ka mid ah qorshaha siidaynta ku magacaaban ee xaqiiqadiisu ay dahsoontahay waxaa la geeyaa Jigjiga waxaana lagu casuumaa hadba ciidii qurbaha ka soo uugaan raacday ee gumaysiga sacab been ah u tumaysa gumaysiguna uu dhankiisa ku guurayo.

Todobaadkan waxaa ogaadeenya ka socda olole lagu bartilmaameedsanayo xabsiyada aadka u buux dhaafay kuwaas oo al doonayo in lakala fududeeyo si dadka xabsi sugaha ah boos loogu baneeyo halka kuwa boosaskaas laga abnaynayo qaarkood uu madane dab ugu jiro lagana yaabo saacada la leeyahay waa la sii daynayaa ka dib in aan indho dambe la saarin.

Maxaabiista Ogaadeenya waxay noqdeen kuwo uu nin kasta oo wadada xaqa ah ka weekday ku magic doonto sawirana uu dadka hortooda kaga qaadqaato si uu isaag dhigo nin Itoobiya ay wax u ogolaatay codsi uu gudbistayna laga yeelay oo loo fuliyay, arinta maalmahan saxaafada gumaysiga & wararka suuqiga ah ay sheegayaan ee maxaabiista dhibaataysan ku saabasan waa arin waa hore la sii qorsheeyay waxaase ku galbanaya wadada dulmigana ku banaysanaya saqsiyaad go’aansaday in aysan umadda Ogaadeenya waligeed baraarugin duligana ayasan ak bixin.

Xaqiiqada aysan Itoobiya wali garwaaqsanin waxay tahay in uusan shacabka Ogaadeeya raadinat gobanimadiisa & aayo katashigiisa sinaba uga tanaasulaynin jidh dil & ciqaabna aysan doonistooda waxba u dhimaynin.

Qorahay Media
qorahay99@yahoo.com