Feb 28, 2012 (QOL) Ururka dhalinyarada iyo ardayda ogadenia ee dalka Canada (OYSY-Canada ) ayaa magaalada Kitchener ee dalka Canada ku qabtay kulan baroor-diiq ah oo lagu xasuustay xasuuqa ciidamada cadawga ah ee gumaysiga Ethiopia ku hayaan shacabka dulman ee dalka Ogadenia.Waxuu kulanku ka dhacay xarun aad u qorxoon oo kutaala meel aad u bilicsan oo hindhaha soo jiidanaysay oo lagu sharaxay calanka dalka ogadenia iyo waliba qalab kale oo astaan u ah hidaha iyo dhaqanka s/Ogadenia.waxaa shirkan looga kala yimid magaalooyinka Toronto, London, Hamilton, Windsor iyo magaalooyinka mataanaha ah ee Kichener iyo Waterloo.

Waxaa shirka lagu daah-furay aayadaho qur’aan ah kadibna waxaa loo istaagay heeska astaanta ogadeina oo ku baxay cod-baahiyaal soo jiidanayay dhagaha ka soo qayb-galayaasha kulanka.
Mudane Xasan-wali oo ah xog-hayaha ururka dhalinyarada iyo ardayda Ogadenia ee dalka Canada (OYSY-Canada) ayaa aad uuga hadlay xaaladda qalafsan ee shacabka reer ogadenia iminka ku suganyihiin waxuuna sigaar ah uuga hadlay bishan February oo ah mid sigaar ah loogu xasuusto xasuuqa ciidamada gumaysiga Ethiopia ku hayaan shacabka gumaysi- diidka ah ee s/ogadenia waxuuna goobta ka shaaciyay in ay qoraalo iyo sawiro maqal-iyo muuqaalba ah u gudbiyeen masuuliyiinta iyo siyaasiyiinta dalka Canada isagoo si gaar ah uuga codsatay muwaadiniinta dalka s/ogadenia in ay dhibka lagu hayo dalkooda iyo dadkooda gaadhsiiyaan shucuubta ay la nool yihiin.Waxuuna aad uugu mahad-celiyay dadkii ka soo qayb-galay kulanka.

Prif.Maxamed Cismaan Xasan oo kamid ah aqoonyahanka reer ogadenia ee gumaysi- diidka ah ayaa aad uugu dheeraaday siyaasadda gumaysiga iyo dhibaatada lagu hayo shacabka s/ogadenia, oo uu ku tilmaamay geesiyiin gumaysi diid ah.

Prof.Mxamed Cismaan Xasan mar uu ka hadlayay 18ka February oo ah maalinta loo baroor-diiqo dhibaatada iyo xasuuqa s/ogadenia ayaa codsaday in 18ka February noqoto maalin shaqooyinka iyo wax-barashadaba laga fadhiisto oo la xasuusto dhibaatada lagu hayo shacbka s/ogadenia. Prof.Maxamed Cismaan Xasan oo ah aqoon-yahan kaydiya tacadiyada gumaysiga Ethiopia ee ku wajahan s/ogadeina ayaa aad uuga sheekeeyay xasuuqii ka dhacay magaalooyinka iyo tuulooyinka dalka s/ogadenia.Mar uu si gaar ah uu la hadlayay ardayda s/ogadenia waxaa uu ku booriyay in ay qadiyada halganka gaadhsiiyaan jaamicadaha iyo macadyada wax barashada ee caalamka.”Gaadhsiiya ayuu si kulul u yidhi qadiyadiina iyo halgankiina xaqa ah ardayda iyo macalimiinta iyo waliba dariskiina halgankeenu waa mid xaq ah dhibaatada reer ogadenia way ka xuntahay tan daafuur ee keentay in ay south Sudan xorimo buuxda ku hanato waxaana prof.Maxamed Cismaan Xassan lagu taageeray sacab aan kala joogsi lahayn”.

Mohamed Qamaan Tube oo ah xidhiidhiyaha Jwxo ee dalka Canada ayaa aad u amaanay guud ahaan shacabka s/ogadenia ee dalka Canada waxuuna ku dheeraaday habsami u socodka halganka hubaysan ee gobanimo doonka iyo doorka qurba joogta s/ogadenia oo uu ku timaamay tiir muhiim ah waxuu ka sheekeeyay bisaylka siyaasadeed ee reer ogadenia oo uu ku tilmaamay mid gaadhay heer sare oo uu ku tilmaamay mid ku salaysan gumaysi- diid.Tube oo aad u qiiraysnaa xiligii uu hadlayay ayaa balan qaaday in aynu xoroobi doono hadii ayuu yidhi aan muujino isku duubnaan iyo bisayl siyaasadeed.

Aamina Nuur ah ah madaxa hogaanka arimaha dibadda ee ururka dhalinyarada iyo ardayda ogadenia ee dalka canada (OYSU-Canada) ayaa soo jeedisay qudbad aad u dheer oo ku baxday luuqada English oo kaga xog-warantay dhibaatooyinkii loogaystay s/ogadenia intii u dhaxaysay 2010-2012.waxaa kale oo ay aad u xustay xasuuqii wardheer ee 1994kii iyo guud ahaan dhibaatada lagu hayo shacabka s/ogadenia.

Waxaa dhalinyaradu soo bandhigeen oo goobta lagu daawaday sawiro maqal iyo muuqaal ah oo dhamaantood ka hadlayay xad-gudubyada lagu hayo shacabka s/ogadenia.Markii ay bilaabantay daawashadu waxaa saxaafadda indhoodu qabanayeen dad aad u calool-xumaaday oo ilmo indhahooda soo dhaaftay waxay ahaayn sawiro aad u qeexay dhibaatada joogtada ah ee lagu hayo s/ogadenia.Ururka dhalinyarada iyo ardayda ogadenia (OYSU-Canada)waxay goobta keeneen dhalinyaro u dhalatay dalkan Canada oo iyaguna madasha ka hadlay oo ku booriyay dhalinta reer ogadenia in ay gumaysiga diidaan.Waxay dhalinyarado madasha keeneen dhalinyaro soo gudbisay gabayo guubaaba ah oo aad loo jeclaystay.

Mohamed Abdullahi Hassan
Qorahay Media
Toronto, Canada
qorahay99@yahoo.com