Jaaliyada Ogaadeenya Germany oo mudaharaad gumaysiga Ethiopia lagaga soo hor jeedo isugu soo baxday

Saturday, November 4, 2017       Views
Spread the love

Jaaliyada Ogaadeenya ee dalka Germany ayaa 3/11/17 magaalada Nürnberg ku qabatay mudaharaad balaadhan oo gumaysiga Ethiopia lagaga soo hor jeedo waxayan mudaharadeyaashu ku dhawaaqayeen weedho kulul oo ay ku cambaaraynayaan xasuuqa bahalnimada ah ee gumaysiga Ethiopia uu wadanka Ogaadeenya ka wado, shacabka mudaharaadka isugu soo baxay waxay soo bandhigeen dareenkooda ku aadan xadgudubyada joogtada ah ee shacabka Soomaalida Ogaadeenya lagu hayo.

mudmud2

Mudaharaadayaasha oo watay calamo aad u muuq dheer & boodhadh waawayn ayaa indhaha dawlada & bulshada magaalada Nürnberg si waadix ah u soo jiitay waxayna dalbadeen in caalamku si dhab ah u fara galiyo xadgudubyada Ogaadeenya ka socda, dhinaca kale mudaharaadeyaashu waxay dawlada Germany & caalamka kaleba ka codsadeen in dib u dajin la siiyo dadka Ogaadeenya ka qaxay ee dalalka kala duwan ee Afrika qaxoontiga ku ah.

mud4mud1

Mudaharaadeyaasha oo si aad u nidaamsan isu soo abaabulay waxay cabashadooda u gudbiyeen madaxada gobolka Bayern ee dalak Germany waxayna gudoonsiiyeen qoraalo waxa ay ka mudaharaadayaan & codsiyadooduba ku cadyihiin, madaxada dawlada ee mudaharaadeyaasha la hadlay oo si xilkasnimo ah qoraalada & codiyada Jaaliyaada u gudoomay waxay cadeeyeen in ay sida ugu haboon wax uga qaban doonaan arrimaha oo dhana ay dawlada Germany hor dhigi doonaan.

mud5mud7

Isku soo wada duuboo dalka Germany waa meeshii ugu horaysay ee ay Jaaliyadaha Ogadaeenya ee waddamada reer galbeedku ku dhaqani ay ka aasaasmeen waxayna marwalba jaaliyada Ogaadeenya ee dalka Germany ku suntanyihiin horu socodnimo & tayo, hadaba mudahraadkan ayaa u muuqday mid miisaan culus leh wuxuuna ku soo beegmay xilli xaalda gumaysigu ay isbadashay islamarkaasna ay guud ahaan dunidu Ethiopia ka xiiso dhigtay gaar ahaan dalalka Yurub oo dhaqaalaha ay Ethiopia ku kaalmeeyaan habka loo isticmaalo saluug xoogan baryahan dambe ka muujinayay

Qorahay Media

1,093 total views, no views today

FacebookTwitterGoogle+Share

Comments are closed.

[wpp]