Jan 2, (2013 (QOL) Waxaa maanta ka dhacay magaalada Cape Town ee xanurta gobolka Western Cape gaar ahaan xaafada la yiraahdo Bellville shir balaadhan oo ay soo qaban qaabisay jaaliyada Ogadeniya ee South Africa Shirkan oo ahaa shir ay jaaliyada Ogadeniya u qabatay dadweynaha ku nool magaalada Cape Town & nawaaxigeeda ayaa waxaa ka soo qaybgalay dad farabadan oo isugu jiray Odayaal, Culumo Awdiin, Aqoonyahano, Siyaasihiin,Dhalinyaro Arday ah, & waliba marti sharaf ka socotay bulshada South African-ka ah ee dagan xaafada Bellville.

Shiran oo ahaa shir lagaga hadlaayay qadiyada Ogadeniya ayaa waxaa goob joog ka ahaa hogaanka Arimaha bulshada & Abaabulka Jabhadda wadaniga xoreynta Ogadeniya (jwxo) halgame Sheikh Maxamed Cabdi Yaasiin (Diirane) waxaana ugu horayn lagu furay Aayado Qur’anka kariimka ah & wacdi diini ah oo uu goobta ka akhriyay sheikh bulshada Somalida ah Caan ka ah kadib waxaa lagu soo dhaweeyay Sheikh Maxamed Cabdi Yaasiin oo ah Siyaasi ruug cadaa ah oo ku xeeldheer Arimaha geeska Afrika.

Wuxuuna sheikh Maxamed meeja ka soo jeediyay khudbad aad u dheeray oo meelo badan taabanaysay balse ku wajahnayd xaalada Siyaasadeed & qalalaasaha kataagan ee geeska Africa khaasatan Ogadeniya taas oo uu sheekhu ku tilmaamay inayna dagaynin dhibaatada geeska Africa ilaa oo xal-waara lagagaaro qadiyada Ogadeniya.

Waxaa kaloo meeja kahadlay masuuliyiin farabadan oo ka mid ahaa ka soo qayb galayaashii Shirka & marti sharaf ka socotay maamulka xaafada Bellville oo South African ah waxayna dhamaan tood isku raaceen in qadiyada Ogadeniya si degdeg ah wax looga qabto islamarkaana la taageero shacabka Somalida Ogadeniya.
Dhanka kale jaaliyada Ogadeniya ee South Africa ayaa lakulantay maalinimadii shalay qolo layiraahdo (Muslim Judicail council ) oo uu fadhigeedu yahay isla magaalada Cape Town islamarkaana u olalaysa qadiyadaha Islaamka ah waxaana laga wada hadlay Arimo fara badan & sidii wada shaqayn rasmiya oo u dhaxaysa labada dhinac loo helilahaa waxayna hoosta ka xariiqeen Culumadii meejaas isugu timid inay qadiyada Ogadeniya tahay Qadiyad qofkasta oo Muslim ah waajib ku ah, loona baahan yahay in lataageero Shacabka Ogadeniya.

Iyada oo uu sii socdo hawlihii kormeerka ahaa ee uu HAAB ONLF mudane Sheekh Maxamed Cabdi Yaasiin u yimid wadanka South Africa ayuu shir degdeg ah la yeeshay gudiga Ururka Midawga Dhalinyarada & Ardayda Ogadeniya OYSU ee South Africa faraciisa magaalada Cape Town & wafdi uu hogaaminaayay Halgame Axbaab oo ah Xoghayaha guud ee Ururka OYSU South Africa shirkaas oo lagaga hadlaayay Arimo badan & Doorka ay dhalinyaradu ku leedahay Halganka Ayay dhamaan tood Xubnihii kulanka isugu yimid isku raaceen inay sii xoojinayaan dadaal kooda ku aadan qadiyadooda siday isaga dul qaadi lahaayeen Gumeysiga Madaw ee Itoobiya.

Oogle yare Xayi Yare
Cape Town
South Africa
qorahay99@yahoo.com