Jan 3, (2013 (QOL) Maamulka Qorahay Media ugu horeyn waxay salaan qiimo badan u gudbuinayaan Ciiddanka Waddaniga Xoreynta Ogaadeenya ee geesiyaasha ah qaybihiisa kala duwan, Madaxda & Kaadirka JWXO, shacabka Ogaadeenya ee ma daalaha ah & guud ahaan umada Soomaaliyeed aad baanu u salaamaynaa.

Bahda warbaahinta QM waxaa farxad weyn u ah in ay markale idiin soo gudbiyaan Barnaamij xiiso badan oo si toos ah gudaha Ogaadeenya uga imanaya, Barnaamijkaas oo aanu ugu magic daray Xaqiiqada Ogaadeenya & Xogta Naftiihuraha waxaa si toos ah inoogu soo gudbinaya Wariye Darwiish Macalin oo ka mid ah hawlwadeenada Warbaahinta Qorahay Media ee gudaha Ogaadeenya ku sugan.

Barnaamijkan waxaad kaga bogan dontaan xaaladaha dhabta ah ee Ogaadeenya ka jira oo badhax tiran, sida aynu ka wada dharagsanahay gumaysiga Itoobiya wuxuu ku dadaalay in aan Ogaadeenya waxa ka jira ee runta ah la arag caalamkana laga qariyo waxaanse nasiib wanbaag ah Allena aynu ku mahadinaynaa muuqaalo maanta gudaha Ogaadeenya laga soo duubay isla maantaba in aynu daawano kuwaas oo ay si toos ah inoogu soo gudbinayaan Naftood Hureyaasha CWXO oo soo gudbinaya dareenkooda, yoolkooda & waaqica badhbta ah ee Ogaadeenya ka jira.

Barnaamijkan oo aanu rajaynayno in uu taxane inoo noqon doono waxaa si joogto ah inoogu soo gudbin doona hawlwadeena QM inta badan dhulka Ogaadeenya ka hawl gala, waxayna soo gudbin Barnaamonka Xaqiiqada Ogaadeenya & Xogta Naftiihuraha oo ay ku eegi doonaan nolosha shacabka Ogaadeenya, hawlaha halganka gobanimo doon siday u socdaan, waxyeelooyinka uu gumaysigu shacabka Ogaadeenya gaadhsiiyo, guulaha halganka & jabka cadowga intaba.

Dadweynaha sharafta abadn ee Warbaahinta QM ku taxan waxaanu ugu bishaaraynaynaa in aanan ka daali doonin soo gudbinta & faafinta xaqiiqada dhabta ah ee Ogaadeenya ka jirta, Insha Allah waxaanu ku dadaali doonaa in aan gudaha Oghaadeenya si toos ah uga soo gudbino warar & barnaamijyo xiiso badan kuwaas oo uu cadowguna aad uga nixi doono isla markaasna fashilin doona beenta uu afuufayo xaqa uu daboolayo intaba.

Hadaba goor dhaw ayaanu soo gudbinaynaa barnaamijka oo aad ka heli doontaan si weyna idiin saamayn doona, Barnaamijkan cusub ee Xaqiiqada Ogaadeenya & Xogta Naftiihuraha yuusan ku dhaafin kana ag dhawoow warbaahinta qarniga ee Qorahay Media oo heegan buuxa ugu jirta u hiilinta dadka & dalka Ogaadeenya goor walba & goob walba.

Qorahay Media
qorahay99@yahoo.com