Jan 5, (2013 (QOL) Wararka laga gudaha Ogaadeenya laga helayo waxay sheegayaan dagaalo faro badan oo ka dhacay meelo kala duwan oo dhulka Ogaadeenya ka mid ah, dagaaladaasi waxay ka mid yihiin halganka hubaysan ee Ciidda Ogaadeenya gunmaysiga lagaga xoreyynayo.

Ciiddanka Waddaniga Xoreynta Ogaadeenya oo maalmihii u dambeeyay si aad ah u weerarayay fadhiisimada ciidamada gumaysiga ayaa cadowga khasaare balaadhan oo dhinac walba ah gaadhsiiyay, hadaba dagaaladii ugu dambeeyay ee ciidanka Tigreega ee dad qalatoobay lagu jabiyay waxaa ka mid ahaa dagaal culus oo ka dhacay Meesha loo yaqaano Bardaleey oo Gobolka Jarar ka mid ah waxaana cadowga lagaga dilay 25 askari tiro intaas ka badana waa lagaga dhaawacay.

Ciidamadan lagu jabiyay dagaalka waxay ka soo hawlgaleen Magaalada Guunagaddo iyadoo ujeedadoodu ahayd in ay dadka shacabka ah dhibaateeyaan, CWXO oo goob kasta ciidamada gumaysiga ku weerara ayaa ka war helay waxayna hadhkoo cad ku weerareen ciidanka cadowga oo Garbada biyaha laga cabo ee Bardaleey ka cabaya.

Dagalkaas oo ahaa weerar si hufan loo qorsheeyay kadib CWXO waxay kla wareegeen goobtii ay Tigreegu ku sugnaayeen waxayna ka uruursadeen hub’daawooyin & qalabkale oo muhiim ah, dagaalada maalmahan Ogaadeenya sida xawliga ah uga socda waxay cabsi & walaac hor leh ku abuureen xukuumada gumaysiga Itoobiya oo guadheedana uu dabku si aad ah uag holcayo.

Si kastaba ha ahaatee weerarada aan kala joogsiga lahayn ee CWXO ay askarta dhiiga shacabka Ogaadeenay ku nool ku naafeeynayaan waxay u muuqdaan kuwo dahnka guusha kama admbaysta ah u sii ruqaansanaya.
Dagaaladaas & guud ahaan xaaladaha kala duwan ee Ogaadeenya wixii ak soo cusboonaada wararka dambe kala soco.

Qorahay Media
qorahay99@yaho.com