Jan 6, (2013 (QOL) Wararka laga helayo Magaalada Godey ee xarunta Gobolka Shabeelle ayaa sheegaya xaalada aad u qasan oo Magaalada Godey kataagan, intiinii warkii hore akhriday saraakiisha gumaysiga ayaa qaar shacabka Godey ka mid ah ku amray in ay ka guuraan lana duminayo 1800 oo guri oo isugu jira rugo ganacsi & guryo caadi loo daganyahay.

Sida ay dad Magaalada Godey ku sugan Qorahay Media u xaqiijiyeen shalay ayay ahayd xiligii kama dambaysta ahaa ee loo qabtay in ay shacabku guryahaas kaga guuraan arinkaas ayay dadkii guryahooda lagu soo duulay ka biyo diideen waxayna ku adkaysteen in aysan meel ay u guuraan garanaynin.

Hadaba saaka aroortii hore ayay dadku ku waabariisteen ciidamo ka mid ah kuwa Ina Iley ee askarta gumaysiga lagu dhaaraamo (Hawaarin) waxayna dadka gurayaha laga duminayo ku amreen in ay baneeyaan, arinkaas oo ay shacabku ka dhiidhiyeen ayaa isu badalay waji dagaal, shacabka oo u muuqda Waraabe daalay dirirtiisaa loo tagaa ayaa si cad oo badheedh ah uga horyimid talaabadan bahalnimada ah ee la doonayo in lagu baro kicinyo.

Sida ay dad aad xog ogaal u ah oo Magalada Godey ku sugan Qorahay Media u xaqiijiyeen xaalada ayaa faraha ka bixi gaadhay waxaana arinta guryo duminta Hawaarinta kala wareegay ciidamada Tigreega oo xaafadaha ,magaalada si xad dhaaf ah loogu sii daayay.

Sikastaba ha ahaaatee shacabka Magaalada Godey ayaa aad u gadoodsan waxayna arintaasu cabsi weyn ku abuurtay ciidanka gumaysiga ee sii cadceedsanaya oo in ay arintu ladurogto ka baqadin qaba lamana garanayo sida uu xaalku ku dambayn doono.

Arimaha guryaha Godey laga duminayo ku saabsan & guud ahaan xaaladaha kala duwan ee Ogaadeenya wixii ka soo cusboonaada wararka dambe kala soco

Dhimbil Guure
Qorahay Media
Ogaadeenya
qorahay99@yahoo.com