Jan 6, (2013 (QOL) Waa mar kale & Barnaamijkeenii xiisaha gaarka ah lahaa ee Garyaqaan oo aanu ku soo qaadan doono sheeko run ah oo dhex martay Mr. Garyaqaan oo ah shaqsiga Barmaajika loogu magacdaray islamarkaasna daadihiya & nin lagu magacaabo Magabe oo ka mid ah dadka Ogaadeenya u dhashay ee dabayshii gumaysigu uu buufinay ee Nabada loogu magac daray ay wadamada qubaha ka dhufatay, hadaba waraysiga dhex maray Mr.Garyaqaan & Magabe sidan ayuu u dhacay.

Garyaqaan: adeer Magabe marka hore soo dhawoow

Magabe waan dhawahay waanan kuu mahad celinayaa

Garyaqaan: waxaad ka mid ahayd dadkii qurbaha ka yaacay ee Ogaadeenya tagay saw sidaas ma aha?.

Magabe Haa adeer waa sidaas

Garyaqaan: inta aynaan wax kale ka hadlin ujeedadii qurbaha looga yaacay maxay ahayd?

Magabe: adeer qurbe ka hayaanku ujeedo badan ayuu iska ahaa dawlada Atoobiya dan ayay qorshahaas ka kalahayd siyaalo kaladuwana waa looga faa’iidaystay

Garyaqaan: dadku sidee ayay uga faa’iidaysteen maxaase lagu macnayn karaa?

Magabe: dad badan oo qurbaha ka yaacay waxay ahaayeen dad aan wax siyaasad ah lug ku lahayn balse intooda badan qurbaha ayay ku daaleen waxaana dadka haysay dal-tabyo aan la qiyaasi karin marka hadde Atoobiya oo iyadu dhari kale wax ku karinaysay ayay dadkaasu u been guureen waxaana la boobay Tigidho bilaash ah oo ay dad badani ku dhoofeen.

Garyaqaan: adigu safarkii Jigjia maxaad ka faa’iiday?

Magabe: adeer sadex shay ayaan faa'iiday sadexna waan khasaaray

Garyaqaan: saxedii shay ee aad safarkii Jigjia ka faa'iiday maxay kala ahaayeen

Magabe: sadexdaan faa'iiday waxay ahaayeen

1.Waxaan dhulkii soo moogaa mudo 35 sano ah fursad weyn ayayna ii ahayd in aan mar uun cagaha dhigo meel dhulkaygii hooyo kamid ah.
2.Waxaan qabaa xanuuno faro badan oo dadka waaweyn ee qubaha jooga badan kood ay la rafaadsanyihiin waxaanan helay caafimaaday markii aan Jigjiga tagay taasi waxay ahayd faa'iidado weyn oo aan helay.
3.Waxaan soo ogaaday waxyaalo badan oo aanan xaqiiqo ahaan uga war haynin oo in badan si kale la iigu sheegi jiray.

Garyaqaan: sadexdii aad khasaartay iyaguna maxay ahaayeen?

Magabe: Adeer waxaan khasaaray sadex shay oo in aan lumiyo aanan marnaba ku talo galin,
1.waxaan khasaaray Tigidhkii aan ku dhoofay oo aan markii hore islahaa waa lagaa bixinayaa oo dadka boobayay ayaad ka midtahay
2.waxaan markaan baxayay sii raacay dad aad u hooseeya oo waligood xabashi lajoog ahaa waxaana igu dhacay sawir fool xun oo aanan isna markiiba raali ka ahayn oo sumcadaydii ayuu si weyn u dhaawacay taasina waa igu khasaare
3.wixii iigu muhiimsanaa een u baxay waxay ahayd in aan soo arko duqdii Hooyaday ahayd oo cad ah isla markaasna aanan 22 sano arag balse kuma aanan guulaysanin oo iyana waan gaadhi kari waayay taasina waa khasaarihii ugu cuslaa ee safarkaas iga soo gaadhay.

Garyaqaan: oo maxaa Tigidhkii laboobayay kaa qadiyay?

Magabe: sababta Tigidhkii iga qadisay waxaan uun u maleeyay in ay la xidhiidho kalsooni la'aan la iga qabay maxaa yeelay anigu kolkaa uunbaan bahasha ku soo boodaye horay amxaaro la daaq uma ahayn ragga waxan qabqablayaasha ka ahaana rag aanu is naqaano ayay ahaayeen waxaana markii hore la igu yidhi Jigjiga marka la tago ayaa kharashka kaa baxay laguu celine is dabar waxaanse wax fahmay kolkaan Jigjiga tagay ee huuhaa mooyee wax kale aan arki waayay.

Garyaqaan: huuhaa maxaad ula jeedaa?

Magabe: waxaan meesha ugu tagnay & wixii nalagu qufayay ayaa aad u kala duwanaa waxaana naloola dhaqmay sidii dad aan wax garanaynin waxaa naloo diiday in aanu si xor ah wadanka meeshii aanu doono u soo aragno maalmo faro badan ayaanu codsanaynay in aanu aragno maxaabiista Jeel Ogaadeen ku jirta oo aniga igu kululayd, sidii naloo meermeerinayay ayaa maalin dambe naloo geeyay dad yar oo aad u bahdilan balse sidii iyagoo filim jilaya harqaano & dharyo hilbo lagu karinayo ladul fadhiisiyay waxayna ahayd maalintaasu maalintii aan waxwalba fahmay iiguna farxada & naxdinta badnayd.

Garyaqaan: farxada & naxdinta wada socda maxaa keenay?

Magabe: Waxaan ku farxay in aan arko xaqiiqada aanan horay uga dharagsanayn ee dadkayga & dalkaygu ay ku suganyihiin taas oo xaalada maxaabiistaas uun laga dheehanayay, waxa aan aadka uga naxayna wuxuu ahaa maxaabiista sidii filimka aanu u daawanaynay waxaa ku jiray dad waayeello ah & caruur yaryar oo aad u itaal daran waxaana kamuuqatay tiif & darxumo waxaanan si gaar ah ula xanuunsaday gabadh aan da'deed ku qiyaasya 15-17 oo qurux u dhalatay taas oo la kor fidhiisiyay harqaan aysan maalinkaas ka hor arag.

Gabadhu waxay si xeel dheer noogu soo gudbinaysay xaqiiqada jirta & shaqadan ay maanta haysaayi in ay ku cusubtahay mararka qaar gabadhaa yari illin aysan kontorooli karin ayaa soo dhaafaysay waxaanan aad uga walabhaaray waxa gabadhaas yar ay ka turjumaysay oo ahaa matalaad run nalooga dhigayay.

Garyaqaan: waan kaaga mahadcelinayaa wakhtiga aad na siisay wanan sii wadan doonaa waraysigan hadii Eebbe idmo.

Magabe: anga ayay tahay in aan aad kuugu mahadceliyo diyaar ayaanan uhay in aan cadhada i haysa furfuro.

La soco qaybaha dambe ee barnaamijka

Qorahay Media
qorahay99@yahoo.com