|
Seminaaar uu Madaxa Hogaanka HAAB ku qabtay xarumaha JOKA oo shalay ka furmay Pretoria. Jan 8, (2013 (QOL) Shalay waxaa magaalamadaxda South Africa ee Pretoria kafurmay wareegii 2aad ee kulamadii abaabulaaa ee baryahanba ka socda dalka Koonfur Africa. shalayto kulanka dhacay wuxuu ahaa Siminar aqoon korodhsi ah inkasta oo xubnihii ka soo qaybgalay qaarkood ay ku tilaamaameen inuusan ahayn Siminaarkaliya oo uu ka baaxadwaynaa.
Kulankan wuxuu kamid yahay kulamo xidhiidh ah oo Hogaanka Abaabulka iyo Arimaha Bulshada JWXO iyo wufuud kale oo katirsan hawlwadeenada Jaaliayda Ogadenia ee Koonfur Africa ay kuqabanayeen dhamaan gobolada iyo magaalooyinka waawayn ee dalkan.
Naftiihure Shiekh Maxamed Abdi Yaasiin wuxuu la-wadagaagay xubnaha Jaaliyada, oo tiradoodu aad ubadnayd aqoon aad qaali u ah oo ku saabsan isticmaalka maskaxda fayaw ee aadama iyadoo uu si xeel-dheeri leh u faahfaahiyay hababka loo maamulo hawlaha, loo qorsheeyo, loofuliyo, laysuguna xidho.
Wuxuu sidoo kale sheekhu si fuhan sharaxaad ugu siiyay xubnaha ku sugnaanta iyo ku sifawga dhaqamada ururka ee toosan Xubnaha kaqaybqaadayanay siminaarka oo tiradoodu aad u badnayd ayaa ku tilmaamay in siminaar kaliya aan lagu sheegi karin kulamkan balse ay kamid ahayd xogwaran iyo wacdi diini ah oo waxbadan kusiyaadiday xubnaha qalbigooda.
Siminaarka oo furmay 08/01/2013 ayaa loo qorsheeyey inuu soo xidhmo 9ka bishan January hadii eebe idmo barito iyadoo ka qaybgalayaashuna aad ugu heelan yihiin siiwadida duruusta noocan ah, Dhanka kale waxaa isbuucan dhexdiisa la qorshaynayaa muxaadarooyin diini ah oo Sheekhu ka jeedin doono goobaha diinta sida masaajida iyo madaarista gobolkan Gauteng.
Qorahay Media |
