Jan 10, (2013 (QOL) Wararka naga soo gaadhaya magaalada JigJiga ayaa sheegaya in maalmahanba laga waday Magaalada JigJiga wax ay ugu yedheen “Quruxda Dumarka” taas oo dumar badan isugu yedheen ayaga oo qaa-qaawan oo maryo quman aan qabin waxaana Hool weyn oo ku yaalama magaalada JigJiga ka soo buuxiyeen shalayto dadbadan oo daawanahay muuqaalka gabdhahaas qaa-qaawan oo is luxayay.

Waxaa qorshahaas go’aankeeda iska lahaa sida ay shegeen Wakiilada Gumaysiga u shaqeena ee uu horjoogaha u yahay Abdi Ubo, Kaligii talihii dhintay ee Melez Zanawi waxayna shegeen in ay fulinayaa qorshahan oo kamid ahaan qorshayaashii uu la maaganaa shacabka Ogaadeenya, arintas oo ay kamid tahay in uu ku sameeya dhaqan wareejin. Sidoo kale waxay shegeen dhaqaalaha ka soo baxaya gabdhaha ladaawanayo in loogu tabarucayo biyo xidheenkan Abaay kaas oo loo la’yahay lacag.

Arintan oo ah arin ku cusub shacabka Ogaadeenya ayaa markii laga soo daayay TV Universal waxay yaab & Afkala qaad ku noqotay dhamaan Umadda Muslimiinta ah ee daawanayay waana arin si weyn uga cadhaysiisay dad aad u badan oo daawanayay TV, Waxayna arintan makhraati u tahay in ay Itoobiya ka go’an tahay dhaqan badal in lagu sameeyo shacabka Ogaadeenya oo caanka ku ah ilaalinta dhaqanka wanaagsan oo ku xidhan diinta Islaamka.

Magaalada JigJiga oo lagu dhigayay waxa ay ugu yedheen “Quruxda Dumarka” ayay bulshadu aad u yaaban tahay mar aan maanta xidhiidh la samaynay qaarkamid dadka dagan magaalada ayay naloosheegay in ay arintan ka wada fajicisay dhamaan bulshada, sidoo kale waxaa lagu wadaa in ay culimadu ka hadlaan arintan dhaqan xumada ah ee diintooda & dhaqankoodaba lagu dhaawacayo.

Waxaa horaan aad loola yaabanaa dadkii ay intay soo shiriyeen ay ku qasbayaan wax dhaqanka ka fog kaas oo qofkii aan dhihina uu ciqaab mudanahay. Wixii ka soo kordha kala soco Qorahay Media.

Qorahay Media
JigJiga Ogadenia
qorahay99@yahoo.com