Jan 11, (2013 (QOL) Masuuliyiin ka tirsan maamulka Jaaliyada Ogadeniya ee South Africa & wafdi Culumo ah oo uu kamidyahay Hogaanka Arimaha bulshada & Abaabulka Jabhadda wadaniga xoreynta Ogadeniya (ONLF) Mudane Sheikh Maxamed Cabdi Yaasiin ( Diirane ) oo in muddo ahba socdaal ku maraayay wadanka South Africa ayaa maanta oo ay taariikhdu tahay 10/1/2013 ku qabtay Muxaadaro Diini ah Masaajid weyn oo ku yaala magaalada Johannesburg gaar ahaan xaafada ay Somaalidu dagan tahay ee lagumagacaabo Mayfair , Muxaadaradan ayaa ahayd muxaadaro ay Culumo Farabadani soo jeediyeen islamarkaana kaga hadlayeen Jihaadka & anwaacdiisa.

Muxaadaradan oo ahayd muxaadaro qiiro iyo khushuuc ku beertay dadweynihii ka sooqayb galay ayaa Waxaa ka midahaa Culumada Nadwada Soo jeediyay, Sheikh Maxamed Awal, Sheikh Maxamed Nadiir, Sheikh Maxamed Cabdi Yaasiin & Culumo kale oo ah Culumo dhamaantood ku Takhasusay Cilmiga Shareecada Islaamka waxayna dhamaan tood muslimiintii masaajidka isugu timid xasuusiyeen xuquuqda ay Muslimiintu isku leeyihiin & Jihaadka ka socda wadanka Ogadeniya kaas oo ay sheegeen inuu yahay Jihaad waajib ku ah Qof kasta oo Muslim ah gaar ahaan bulshada Soomaaliyeed oo ay sheegeen inay tahay bulsho isku jinsiyad ah walaalo ah islamarkaana ay kulmiso Caqiidada Islaamka & darisnimadu.

Waxaa kale oo ay Culumadu wacdigoodii ku sheegeen inay qadiyada Ogadeniya waajib ku tahay dhamaan Caalamka Islaamka loona baahan yahay inay ka qayb qaataan jihaadka ka socda wadanka Ogadeniaya, waayo waxay sheegeen Culumadu in Gumeysiga Itoobiya taageeraan quwadaha Aduunka kuwooda ugu waaweyni, sidaa darted waa waajib inay Muslimiintu taageeraan Shacabka Somaalida Ogadeniya.

Hadaba Gudiga Sare ee Jaaliyada Ogadeniya ee South Africa & madaxa waaxda Arimaha bulshada & Abaabulka Jabhadda wadaniga Xoreynta Ogadeniya (ONLF) Halgame Sheikh Maxamed Cabd i Yaasiin oo dhawaanahanba Socdaal ku maraayay wadanka South Africa ayaa maalinba maalinta kadambaysa la kulmaayay bulshada qaybaheeda kala duwan ee ku dhaqan wadanka South Africa islamarkaana ku gudajiray hawlaha halganka, Abaabulka bulshada, & isusoo dhaweynta midnimada, shacabka Soomaalida Ogadeniya ee uu Gumeysigu daashaday si ay uga hoos baxaan heeryada Gumeysiga madaw ee Itoobiya
Fillo maqal iyo muuqaalada Muxaadarooyinka Hadii Eebe inoosahlo.

Xayi Yare
Johannesburg
South Africa