Jan 11, (2013 (QOL) Wadanka holand oo kamid ah midowga yurub ayaa sharci cusub ku soo rogay dadka aan dalkiisa u dhalan asal ahaan ee ku sugan dalkiisa kuwaas oo qaatay dhalashada wadanka ama sugaya
sharcigan muranka dhaliyey ayaa dhigaya in dhimis lagu sameeyo ceydhii ama gunnadii qaxootigan la siin jirey gaar ahaan kuwa dalalkoodi dib ugu laabtay balse wali ah muwaadiniin naderlands ah dadka sida gaarka ah loogu dhaqan galiyey sharcigan ayaa ah dadyowga aan iyagu u dhalanin dowladaha midowga yurub.

Waxaana maanta isusoo bax cabasho ah ka dhigay magaalada amisterdam jaaliyadda wadanka marocco oo kamid ah jaaliyadaha ugu waaweyn ee ku sugan wadanka holand jaaliyadda ayaa sharcigan cusub ku tilmaantay mid aan cadaalad aheyn isla markaasna cunsuriyad ka danbeyso sharcigan ayaa awal hore dhigayey in qofka holand dhalashadeeda heysta uu ceydhiisa xaq u leeyahay xiitaa haduu ku sugan yahay meel ka baxsan wadanka holand balse sharcigan cusub wuxuu dhigayaa in qaxootiga loo eegayo wadanka uu ku sugan yahay sida ay noloshiisu tahay taas oo macnaheedu yahay inaanu qofku heleynin wax ka badan nolol maalmeedkiisa oo qudha.

Sharcigan ayaa waxaa si weyn uga soo hor jeestey dalalkii ay asal ahaan ka yimaadeen Jaaliyaadka biilka laga badh jartay waxaase ilaa hadda ku guuleysatay dowladda turkiga inay sharcigan ka bad baadiso jaaliyadeeda ku sugan wadanka holand waxeyna culeys ku saartay holand inay dib u dhigto fulinta sharcigaas waxeyna ku dooday inay dadkeedu kamid yihiin bulshada reer yurub taas oo ay holand ugu danbeystii aqbashay
dowladda marocco ayaa dhankeeda sharcigaas aad u canbaareysay iyadoo ku tilmaantay mid aan laga fakarin cawaaqib xumada ka iman karta isla markaana uu xad gudub ku yahay heshiisyadii u dhaxeeyey wadanka marocco iyo wadamada midowga yurub

Daljir Keyd
Qorahay Media