Jan 12, (2013 (QOL) Warar Magaalada Dhagaxbuur helayo waxay sheegayaan in ciidanka bahaloobay ee gumaysigu ay Magaalada Dhagaxbuur ku haystaan laba baauur oo nooca xamuulka qaada ah oo Magaalada Godey u rarnaa kana soo rakaabsaday Magaalad Wajjaale oo ku taala xuduudka Waqooyiga Soomaaliya Ogaadeenya.

Baabuurtan oo ay leeyihiin ganacsato reer Godey ah ayay ciidamada gumaysigu ku xukumeen in ay bixiyaan kiiba 180,0000 oo bir oo baad ah lacagtaas waxayna ciidanka gumaysigu sheegeen hadii aysan mulkiileyaasha & ganacsatada baabuurtu u raranyihiin bixinin lacagtaas in baabuurta & waxa saaranba lala wareegayo.

Lama garanayo sababta baabuurtan lacagta intaas dhan loogu xukumay balse dhibaatooyinka faraha badan ee shacabka Soomaalida Ogaadeenya ay gumaysiga kala kulmaan ayay arintani ka mid taha waxaana xero ciidan oo Magaalada Dhagaxbuur ku taala ku xaniban baabuurtaas oo alaabooyin nolosha bulshaad muhiim u ah waday.

Dhanka kale wararku waxay sheegayaan magaalooyinka waaweyn ee Ogaadeenya in ay maalmihii u dambayay ciidamada gumaysigu bandow ku soo rogeen, sida ay dad xog ogaal ah Qorahay Media u xaqiijiyeen casarka dheer ayay dadku goobaha gacansiga & suuqyada ka dheelmadaan waxaana la sheegayaa in ay arintaasu ka dhalatay cabsi faro badan oo baryahan dambe ciidanka gumaysiga soo food saartay taas oo ka dhalatay weerarada aan kala joogsiga lahayn ee Ciiddanka Waddaniga Xoreynta Ogaadeenya ay sida aadka ah baryahan gumaysiga ugu asqeeyay.

Isku soo wada duuboo gumaysiga Itoobiya oo aad u itaal & mooraal liita ayay xaaladiisu ku soo ururtay dhibaataynta bulshada aan is difaaci Karin waxaana si caadi ah usoo noqday gibirkii dadka lagu qasbi jiray ee dhaqanka soo jireenka ah gumaysiga Itoobiya u ahaa.

Wararkaas & guud ahaan xaaladaha kala duwan ee Ogaadeenya wixii ka soo kordha Qorahay Media kala soco.

Dhimbil Guure
Qorahay Media
Ogaadeenya
qorahay99@yahoo.com