Jan 26, (2013 (QOL) Shalay oo ay Taarikhdu ku beegnayd 2/01/ 2013 ayaa xafiiska Jaal;iyada Ogaadeenya ee Gobolka Victoria waxaa kulan ku yeeshay maamulka ugu sareeya jaaliyada & Madax culus oo Dawlada Australia ka socotay, kulankaas oo aad muhiim u ahaa waxaa Jaaliyada uga qayb aglay Gudoomiyaha Mudane Hikim Sheikh & Ku xigeenkiisa Mudane Hassan Ahmed-Nuur.

Madaxda Dawlada Australia & Jaaliyada Ogaadeenya ee Victoria kulana ay awda yeesheen oo run ahaantii guul u ahaa ayaa lagu lafo guray wada xoojinta shaqaynta Dawalda & Jaaliyada Ogaadeenya oo uu xidhiidh aad u wanaagsani ka dhexeeyo.

Mudane Hikim ayaa Madaxda dawlada Australia ka socotay uga mahad mahadceliyeey hirgilinta kulanka una fahfaahiyeey waxqabadka Jaaliyada Soomaalida Ogaaadeenya ee Victoria, Mudane Hikim ayaa ka war bixiyay shacabka Soomaalida Ogaadeenya ee kunool wadanka Australia gaar ahaan Victoria & sida ay uga muqdaan wadankooda labad.

Mudane Xikim wuxuu u sheegay madaxda in Jaaliyada ay u taagan tahay hormarka shacabka ka soojeeda Ogaadeenya & hormarka wadankooda labaad Australia, wuxuu kaloo gudoomiyahu shaaciyey dhibaatooyinka & cunaqabataynta ay Ethiopia ku heyso Soomaalida Ogaadeenya wuxuuna dawlada Australia u gudbiyay codsi ah in ay baritaan ku sameyso Ethiopia & xadgudubka xuquuqul insaanka ee ay dhulka Ogaadeenya ka gaysato Mudane Hikim & Mudane Hassan waxay kulanka ku soo bandhigeen muqaalo aad argagax & qiiro u leh.

Madaxda Dawalda Australia matalaysay waxay sheegeen in Jaaliyada Ogaadeenya ee Victoria ay tahay Jaaliyada qoomiyaadka kala duwan ee wadanka Australia ku nool aad ugu firfircoon wax qabadka dadkooda, dalkooda & dalkooda cusub Australia aad ugu heellan, Madaxda dawlada Australia ka socotay waxay caddeeyeen in ay aad ugu faraxsanyihiin saaxibtimada ka dhaxeeysa dowlada Australia & Jaaliyada Ogaadeenya ee Victoria waxayna balanqaadeen in wadashaqeen & xirirka ay sii kobcin doonaan kuna daaali doonaan in ay marwalba Jaaliyada gacan buuxda siiyaan.

Si kastaba ha ahaatee kulanka dhex maray hogaanka Jaaliyada Ogaadeenya ee Victoria & Madaxad Dawlada Australia ayaa noqonaya mid kor u sii qaada wada shaqaynta & xidhiidhlka dhaw ee labada dhinac ay leeyihiin wuxuuna kulankaasu ku soo gabagaboobay guul & is afgarad.

Leyla Abdi
Qorahay Media
Melbourne, Victoria
qorahay99@yahoo.com