Jan 27, (2013 (QOL) Ciidamda Maxeysatada Gumeysiga Itoobiya ee nacabka ah ayaa xasuuq wadareed cusub ka gaystay meelo Ogaadeenya ka mid ah, sida ay wararku nagu soo gaadheen waxay ciidanka gumaysigu xasuuqaas ka gaysteen meelo Gobolka Nogob ka mid ah oo kala ah Feedhacade, Orey & Dalalaha.

Ciidamada Gumeysiga Itoobiya ee bahaloobay kuna nool dhiiga shacabka Somaalida Ogaadeenya oo ku fashilmay dagaalada ay iskaga hor yimaadaan Ciiddanka Waddaayaa Xoreynta Ogaadeenya ayay awoodoodu ku ururtay gumaadka dadka nugulka ah ee aan iska difaaci karin waxay halkoodii wadaan guumaadka & falalka bahalnimada ah ee shacabka ku hayaan.

Hadaba wararkii udambeeyay ee gudaha wadanka Ogaadeenyaayaa sheegihayay in maleeshiyaadka Tigreegu gumaad ka geysteen deegaanada kor ku xusa, shacabka la gumaaday oo aad u tiro badan ayay qaar ka mid ah y magacyadoodu nasoo gaadheen waxayna kala yihiin.

1- Axmed Cabdi Cumr (Axmed Sacad)
2- Daahir Xassan Cabdullaahi (Daahir Boodhle)
3-Sheekh Xuseen Kaliya.

Ciidamada nacabka ah ee gumaadkaas geystay ayaa ka soo kala baxay Magaalada Fiiq ee Xarunta Gobalka Nogob & Dagmada Dhaxmadoow oo Gobalka Jarar ka mid ah waxayna markii ay xasuqa gaysteen nolol kula tageen ilaahaatana aan raq & ruux toona la haynin dad tiradoodu ay kor u dhaafayso 45 ruux oo shacab.

Si kastaba ha ahaatee cidamada gumaysiga Itoobiya ayaa falalkan arxandarada ah dadka shacabka ah kula kaca mar kasta oo dagaalada CWXO & gumaysiga dhex mara waana falal aar goosi ah, ciidanka gumaysiga ayaa dhawrkii todobaad ee u dambeeyay waxaa ku dhacay dharbaaxooyin culculus & weeraro isdaba joog ah ilaa haddana socda oo CWXO ay guamysiga ku xidid siibayaan.

Xasuuqa dadka shacabka ah ee aan waxba galabsanin ay ciidanka dhiig miiratada ah ee gumaysigu u gaysteen & xaaladaha kala duwan ee Ogaadeenya wixii ka soo cusboonaada Qorahay Media kala soco.

Qorahay Media
qorahay99@yahoo.com