Jan 27, (2013 (QOL) Afhayeenka Jabahdda Waddaniga Xoreynta Ogaadeenya Mudane Cabdiqadir Sh. Xassan Hiirmooge (Caddani) oo maalmihii u dambeeyay gobolda Dalka Australia safaro shaqo ku marayay ayaa malinti sabtida 26 January 2013 soo gaaray Magaalada Melbourne ee xarunta Gobalka Victoria.

Booqashada Mas’uulka ayaa ka mid ah kulamada ay madaxda JWXO layeelanaan Jaaliyada Ogaadeenya ee dunida dacaladeeda ku baahsan, Mudane Caddani ayaa kulankiisi ugu horeey layeeshay ururka Hawenka Soomaalida Ogaadeenya ee Victoria wuxuuna uga warbixiyay halganka hubaysan ee dadka & dalka Ogaadeenya lagu xoreynayo & dhacdooyinkii dagaal ee ugu dambeeyay oo uu sheegay in cadowga si weyn loogu jabiyay.

Mudane Caddani wuxuu ku nuuxnuuxsaday guulaha aan la qiyaasi karin ee ay Ciiddanka Waddaniga Xoreynta Ogaadeenya goobaha dagaalka ka soo dheelmayaan wuxuuna sheegay in ay ciidamada gumaysigu si dhab ah u niyad jabeen lagana dhufaanay qabkii & isla waynidii beenta ahayd ee gumaysiga Abasiniya uu caanka ku ahaa.
Mudane Caddani oo warbixin waafi ah oo dhinacyo badan taabanysay dumarkii kulankaas ka qayb galay siiyay ayaa tilmaamy in halganka Ogaadeenya lagu xoraynayo uu hab isu dheeli tiran ku socdo wuxuuna si aad ah u amaanay guud ahaan haweenka Ogaadeenya oo uu sheegay in yihiin quwad & xoog dhab ah oo aan cidi is hor taagi karin.

Mudane Caddani oo hadalkiisa si aad ah loogu qushuucay dhaguhuna ay jeclaysanayeen wuxuu carabka ku adkeeyay in ay haweenka Ogaadeenya ehel & hoy dhab ah u yihiin halganka gobanimo doonka ah ee ay JWXO hormuudka u tahay wuxuuna ku tilmaamay udub dhexaadka ay dhamaan hawlaha halganku ku tiirsan yihiin kana shidaal qaataan.

\Mudane Caddani gabagabdii halkiisa wuxuu haweenka Ogaadeenya ku boorriyay in ay sii laban laabaan dadaalka faraha badan ee ay mar walba ugu jiraan garab istaag halgankooda, Ururka Hawenka Ogaadeenya ee Gobolka Victoria oo ah lafdhabarka Jaaliyada Ogaadeenya ee gobolkaas ayaa dhankooda Mas’uulka u mahad celiyay waxayna balan qaadeen in ay si aad ah u dardar galin doonaan hawlaha Jaaliyada & garab istaaga halganka xaqa ah ee Ogaadeenya ka socda.

Isku soo wada duuboo kulanka ayaa ku dhamaaday jawi wanaagsan oo aad u farxad badan wuxuuna Mas’uulku kulamo la yeelan doona qaybaha kala duwan ee bulshada Ogaadeenya & walaalaha Soomaaliyeed hadii uu Eebbe ogolaado.

Leyla Abdi
Qorahay Media
Melbourne
Qorahay99@yahoo.com