Jan 29, (2013 (QOL) Wafdigan ayaa waxaa hogaaminayay Wasiirka Arimaha Gudaha iyo Amniga Qaranka Soomaaliya Mudane C/kariim Xusseen Guuleed, waxaa kale oo kamid ahaa wafdigan Dowlada kasocday Wasiirka Gaashaandhiga Mudane C/xakiim Xaaji Maxamuud Fiqi, waxaana lasheegayaa in wafdigan si aad u diiran loogu soo dhaweeyay Magaalada Baydhabo isla markaasna ay Kulamo laqaadanayaan Maamulka Magaalada Baydhabo, Saraakiisha Ciidamada Dowlada Soomaaliya iyo kuwa Ciidamada Gumaysiga Ethiopia ee Baydhabo kusugan.

Wararka qaar ayaa waxay sheegayaan in Wafdigan socdaalkoodu ku wajahnaa Maamul goboleed lasheegay in laga samayn doono Gobolada Koonfureed ee Dalka Soomaaliya, walow aan la cadaynin tirada Goboladan larabo in Maamulka loo sameeyo.

Isku soowada uruuriyoo Wafdigan Maanta gaadhay Magaalada Baydhabo ee Xarunta Gobolka Bay ayaan lasheegin mudada ay sii joogi doonaan Magaaladaas Baydhabo, hase yeeshee waxaa lasheegayaa in markii ay Booqashadani u dhamaato ay u sii bixi doonaan Gobolo iyo Degmooyin hor leh oo Dalka kamid ah.

Waxii kasoo kordha war dib ayaan kasoo gudbin doonaa hadii Alle Idmo.

Noor Mohamed
Qorahay Media
qorahay99@yahoo.com