Jan 30, (2013 (QOL) Waxaa maanta oo ay taariikhdu ku aadan tahay 29-1-2013 ka dhacay magaalada Port Elizabeth ee xarunta Gobolka Eastern Cape Shirkii Biliha ahaa ee Xubnaha Jaaliyada Ogadeniya ee South Africa Shirkan oo ahaa shir ay ka soo qayb galeen dhamaan Xubnaha Jaaliyada Ogadeniya ee ku sugan nawaaxiga magaalada Port Elizabeth (PE) ayaa ahaa shir si heer sare ah loo soo agaasimay islamarkaana ay isugu yimaadeen Xubno farabadan & marti sharaf ka tirsan Jaaliyada Ogadeniya ku waas oo ah muwaadaniin South African ah.

Kulankan oo qaatay saacado ayaa waxa uu gogol dhigiisu ahaa sidii loo sii xoo jinlahaa Halganka ka socda gudaha & dibadaba ee lagu baadi goobaayo Xoriyada Ogadeniya kaas oo ay hogaaminayso Jabhadda wadaniga Xoreynta Ogadeniya ONLF & iska Caabinta dadka raba inay Halganka Hagardaameeyaan ku waas oo uu Gumeysiga Itoobiya Soo dirsaday.

Xubnihii ka soo qaybgalay shirka ooy wadiyadooda ka muuqatay qiiro wadaniyadeed & dareen halgan ayaa waxaa war bixin kooban siiyay Gudoomiyaha Jaaliyada Ogadeniya ee South Africa Halgame Bashiir warbixintaas oo ku saabsanayd Gudaha Ogadeniya & Halganku meesha uu wakhtigan xaaliga ah maraayo
Waxaa kale oo Kulanka ka hadlay masuuliyiin kale oo ka tirsan Hawl wadeenada Jaaliyada Ogadeniya & Marti sharaf kale waxayna dhamaan tood hoosta ka xariiqay iskuna raaceen inay xubnaha Jaaliyadu ka digtoonaadaan xeeladaha Gumeysiga Itoobiya u maleegaayo shacabka Somalida Ogadeniya meel kasta oo ay joogaanba khaasatan Koonfur Africa oo ay soo gaadheen shakhsiyaad uu gumaysigu soo dirsaday.

Cambaarayn.

Wuxuu shirku Cambaarayn kulul u diray maamulka macangaga ah ee TPLF kaas oo xasuuq wadareed kagaysta Ogadenia maalin walba siguud , gaar ahaan wuxuu shirku cabaareeyay malayshiyaadka loo Carbiyay sida loo xasuuqo Shacabka aan waxba galabsanin ee Bir magaydada ah Malayshiyaadkaas oo lagu magacaabo (Liyuu Police) islamarkaana ku hadla Afka-Somaliga.

Baaq iyo digniin.

Shirku wuxuu baaq udirayaa dhamaan bulsho weynta Somalida Ogadenia in ay sii dardar galiyaan halganka hubaysan ee ay uga soo horjeedaan gumaysiga Itoobiya qof walibana laban laabo dadaalkiisa isaga oo marwalba xasuusanaaya xigmadda odhan haysa ( wixii shalay tagay kuma so maro, waxaad bari qaban lahayd maanta qabo), sidookale wuxuu shirku shacab weynaha Ogadenia uga digay in ay ka digtoonaadaan xeeladaha cadawgu uu maleegaayo , dhankakale shirku wuxuu digniin culus ujeediyay Shakhsiyaadka liita ee marwalba lagu kasbado shilimaadka aan micnaha kufadhiyin islamarkaana doonaaya inay ugaadhsadaan Shacabka Somalida Ogadeniya iyaga oo raba inay fuliyaan Danaha Gumeysiga.

Xayi Yare iyo Dr Qiso
Qorahay Media
Port Elizabeth
South Africa