|
Dukaamo Soomaliyeed oo South Africa xalay Cagta la mariyay. Jan 31, (2013 (QOL) Habeenimadii Xalay ayaa boob xoogan la gu qaaday Dukaamo farabadan oo ku yaala Magaalada Kwanobuhle oo 30km kaga beegan dhinaca Galbeedka magaala Madaxda Gobolka Eastern Cape ee Port Elizabeth (PE) boobkan oo bilawday 11:00pm Fiidnimo Saacada SA ayaa socday ilaa barqanimadii dambe.
Dadka ganacsatada ah ee Dukaamada laga boobay ayaa isugu jiray Somaali ,Itoobiyan iyo muwaadiniin u dhashay wadanka Ogadeniya, tirada Dukaamadan Cagta la mariyay ayaa naloogu sheegay inay gaadhayan ugu yaraan 29 Dukaan ku waas oo dhamaan hantidii taalay ay boobeen Dadka deegaankas dagani. Milkiilayaal aan wax ka waydiinay dhacdana soo gaadhay dadkan Qaxootiga ah ayaa noo xaqiijiyay inay jiraan Dukaamo dhawr ah oo Dab la qabadsiiyay kadib markay qaateen wixii Alaab ahayd ee taalay Dukaamada islamarkaana ay jiraan dhalinyaro Somali ah ooy dhaawacyo ka soo gaadheen rabshadahan. Mar ay noo suuro gashay inaan wax ka way diino Odayga Xaafada ay rabshadu ka bilaabatay Arimaha nooca nookale ah ee markasta ku soo noqnoqda dadka soo galoowtiga ah ayaa noo sheegay inay jirto isfaham la’aan u dhaxaysa Dadka soo galowtiga ah iyo muwaadiniinta South African-ka ah.
Dhanka kale Dadka qaar ayaa aaminsan inay Ciidamada amaanku kagaabiyaan kaalintooda kaga aadan sugida amaanka iyo badbaadinta xuquuqda Qaxootiga ku soo qaxay wadanka South Africa waxayna ku andaconayaan inay jirto dhibaato cunsurinimo ku salaysan oo ay South African-ku kula kacaan Dadka qaxootiga ah ee Nolol maalmood kood raad sanaaya, ilaa iyo hada ma jiraan wax ka hadlay Arintan ay dadka Madoobi kula kacaan qaxootiga soo miciinsaday wadan South Africa. Sikastaba ha ahaatee ma aha markii ugu horaysay ee Cagta la mariyo Dukaamada ay leeyihiin dadka qaxootiga ah ee ka soo jeeda Somaliya, Itoobiya , iyo Ogadeniya ee ku soo cararay wadanka South Africa. Xayi Yare |
