Dec 01, 2012 (QOL) Gudoomiyaha Ahlu-Sunnaha ee ka barbar dagaalanta Ciidamada Dowlada Soomaaliya Sheekh Maxamed Xeefoow ayaa maanta xili ay isaga iyo Masuuliyiin kale oo Ururiiska katirsan ka duuli rabeen Giroonka Aaden Cadde International Airport ee Magaalada Muqdisho kuna jeedeen Gobolada dhexe ee dalka Soomaaliya waxa uu shir Jaraa'id ugu qabta Saxaafada wuxuuna ka hadlay sida lasheegayo arimo kala duwan oo ay kamid ahaayeen hanaanka wada shaqayn ee ay Dowlada dhexe ee Soomaaliya la leeyahiin, iyo in lamideeyay dhamaan Hay'adaha Ahlu-sunna.

Waxuuna Gudoomiyaha Ahlu-sunna Saxaafada u sheegay inay Ciidamadoodii la wareegtay Dowlada dhexe ee Soomaaliya, waxa uuna intaas raaciyay inay jiraan shirar ay isugu imaan doonaan hay'adaha Ahlu-sunna Waljameeca si loo dardar galiyo wada shaqaynta Dowlada Federaalka Soomaaliya, iyadoo uu Sheekh Maxamed Xeefoow hoosta ka xariiqay inay dhawaan Magaalada Muqdisho xafiis ka furan doonaan Kooxda Ahlu-sunna oo midaysan.

Isku soowada uruuriyoo Ahlu-sunna ayaa inta badan dagaal kula jiray Alshabaab gaar ahaan kuwa ku sugan gobolada dhexe ee Soomaaliya.

Noor Mohamed
Qorahay Media