Dec 01, 2012 (QOL) Gudoomiyaha Dowlada dhexe ee Soomaaliya u qaabilsan Gobolka Gedo ee
Koonfurta Soomaaliya Maxamed Cabdi Kiliil ayaa sheegay inay Ciidamada Dowlada Soomaaliya iyo kuwa Kenya ee AMISOM mardhaw kala wareegi doonaan Kooxda Alshabaab Degmada Baardheere ee Gobolka Gedo oo ay Kooxdaasi inbadan Gacanta ku haysay.

Gudoomiye Kaliil oo Saxaafada la hadlay ayaa sheegay inay Diyaar garoow xoogan ugu jiraan sidii ay Kooxda Alshabaab uga saari lahaayeen Degmada Baardheere oo haatan la tuhunsan yahay inay kamid tahay
goobaha ay Alshabaab ugu xooga badan yahiin Koonfurta Soomaaliya, waxa uuna intaas ku daray inay si adag ula dagaalami doonaan cidkasta oo Shabaab katirsan isla markaasna isku dayda inay ka hortimaado
duulaanka Ciidamada Dowlada Soomaaliya iyo kuwa Kenya ee AMISOM.

Isku soowada uruuriyoo hadalka Gudoomiye Kaliil ayaa kusoo beegmaysa xili wax Todobaad kayar uun laga joogo ay Ciidamada Kooxda Alshabaab Dagaal aad u xoogan oo khasaare balaadhan dhaliyay ku qaadeen Degmada Beled-Xaawo ee dhacda cidhifka ugu dambeeya ee Gobolka Gedo, arintaas oo makhraati u noqon karta inay Alshabaab wali ku xoogan yahiin Gobolkaasi Gedo ee Koonfurta wadanka Soomaaliya, balse waxaan hadii Alle Idmo kawar sugi doonaa hadalka Gudoomiye Kaliil iyo waxa kadambeeya.

Noor Mohamed
Qorahay Media