Nov 23, 2012 (QOL) Iyadoo la wada ogyahay in maalmo ka hor uu ku soo gaba gaboobay magaalada Jigjiga ee caasimadda u ah Maamulka Cabdi Ubbo ee uu cadowgu ku adeegto wax ay ugu magac dareen shir balse xaqiiqdii ahaa shirqool loo dhigay odayaal iyo dad masaakiin ah oo laga kala keenay daafaha Ogaadeenya ayaa waxaa aad aduunku ula fajacay beenta iyo indha adeygga gumeysiga Ethiopia iyo sida uu u haysto dad uu u carbistay sida ayga loo carbiyo oo kale iyo dhaga nugeylka dadkaas oo aaminay inaaney abid gumeysi ka bixi doonin halka uu gumeysigu gaadhsiiyey darteed.

Waxaan haddaba go,aansannay haddaan nahay bahda qorahay media inaan xasuusinno kooxdan iyo kuwa ku mabd,a ahba in caalamku ogyahay waxa ka jira Ogaadeenya iyo cidda geysatay labadaba waxaan haddaba halkan ku soo qaadan doonnaa waxyaabihii uu caalamku ka yidhi gubitaanka iyo xasuuqa ka jiray ogaadeenya iyo waliba waxyaabaha loo soo daliishaday inay xabashidu ka mas,uul tahay wixii halkaas ka dhacay ee hoog iyo halaagba ahaa

Waxaa xussid mudan in waxyaabaha aanu soo qaadaneyno lagu sawiray dayax gacmeed isla marki ay dhacayeen qaar kamid ah waxyaabahaas waxaa ka mid ah xad gudubyo isugu jira gubitaan magaalooyin iyo tuulooyin intaba waxaa goor sii horeysey wax ka qoray arrrintan qoraa reer mareykan ah oo la yidhaahdo TOM MAWTEN kaas oo wax ku qora bogga la yidhaahdo CAUNTER BUNTCH

wuxuuna yidhi sidan "waxaa gabi ahaanba laga jaray dadka ku noolOgaadeenya deeqihii macaawinada ahaa ee ay siin jireen hay,adaha caalamka iyadoo loo leexiyey deeqahaas dhinaca ciidamadaethiopia iyo dadka ayaga la shaqeeya ee dagaanka u dhashay iyadoo la marayo xilligii ay abaartu ugu darneyd Geeska Afrika oo uu ku yaallo Ogaadeenya.

Waxeyna ETHIOPIANKU u adeegsadaanbuu yidhi deeqahan inay ku sii ballaadhiyaan gabood fallada ay ku hayaan dadka dagaanka ee rayadka ah waxaana halkaas ka taagan fowdo iyo dil baahsan oo ay wadaan ciidamada ethiopia xilli aney gali karin dagaanka hay,adaha xuquuqul insaanka iyo kuwa daneeya daryeelka dhibanayaasha sida ICRC iyo MSF, hadaba waxaa is weydiin leh ninka ogaaday ama aaney ka qarsooneyn kiish qamaddi ah oo ay ethiopia xadday ma waxaa ka qarsoomaya magaalooyin ay gubtay?!!!!!!!!!

Qoraaga ayaa intaas raaciyey xadgudubyada iyo xasuuqa halkaas ka dhacaya waa kuwa aaney cidi duubin cidina war ka heynin qoraaga ayaa sidoo kale dhalliil u soo jeediyey warbaahinta ree galbeedka oo uu yidhi marka laga yimaaddo inay reer galbeedku iyaga taageeraan nidaamka ka jira ethiopia ee falalka ceynkan ah ku kacaya oo aaney jirin cid qudha oo ka hadleysa ayaa haddana waxaa jira saxaafadda reer galbeedka oo iyana indhaha ka qabsatay waxa ka soconaya dhulka Ogaadeenya waxeyna had iyo gooraale ku dhawaaqayaan Daarfuur waxa ka dhacaya iyo hal ku dhagga ah (daarfuur badbaadiya) waxaana marag ma doon ah in Ogaadeenya ka dhib badan tahay.

Daar fuur anigoon marnaba xaqiraad ku sameyneyn dadka ku dhibaatoobay waqooyiga sudan oo lagu qiyaasay tobanaan kun oo qof hadana waxaa la hubaa inay aad uga badan tahay ummadda ku waxyeelowday dhibaatada ay ethiopia ka geysatay gobolka ogaden waxaana halkoodii wali ka sii socda gumaadkii iyo xasuuqii lagu hayey dadka gobalkaas daggan ururada xuquuqul insaanka oo Jeneva ka soo saaray war bixintoodii sannad laha aheyd ayaa ka digay inay ka sii dareyso xaaladahadhibaato ee caruurta iyo dumarka gobolka ogaden iyagoo yidhi waxaa sii laba jibaarmay kufsigii iyo xadguduyadii kale ee ay geysanayeen ciidamada ethiopia iyagoo soo ban dhigay sawirro lagu qaaday dayax gacmeedka oo muujinaya ciidamada oo geysanaya dhibaatooyin indha xumo ka muuqato

Warbixinta ururka xuquuqul insaanka ayaa lagu sheegay inay ciidamada ethiopia iyo maleyshiyada liyuu bolice geysteen in ka badan (2256) dhacdo oo kufsi ah oo ay geysteen muddo sannad gudihii oo qudha ku siman iyadoo ay aad usoo badatay dumarka uurka ceynkaas ah qaaday iyo waliba qaar laga helay cudurro khatar ah sida HIV AIDS, meelaha sida aadka ah loogu sheegay warbixinta ee laga geystey kufsiga arxan la aanta ah waxaa kamid ah xabsiga jeel ogaadeen oo lagu sheegay inuu yahay abuu qureybta Africa,

Abuu Qureyb waa xabsi ku yaalla wadanka ciraaq waxaana lagu xasuustaa muuqaallo fasas xumo ahaa oo laga duubay maxaabiista ku jirta gudihiisa iyagoo qaaqaawan rag iyo dumar sidaasna waxa uu ku noqday xabsiga loo soo qaato dhacdooyinka ugu xun xun ee ka dhaca caalamka iyo jeelasha sida jeel ogaadeen oo kale ah, wargeysada mareykanka ayaa intooda badan siyaabo kala duwan uga hadlay.

Arrintan laakiin waxey isku raacsan yihiin inay ethiopia tahay cidda waxan ka geysaneysa gobolka ogaden qaar kamid ah ayaa soo qaatay sawirraan aad u foolxun oo laga soo qaaday tuulooyin la gubayo iyo dil aan cidna loo aaba yeeleynin oo ka dhacay ogadenya waxeyna sheegeen inay ethiopia ka mas'uul tahay, sawirraantan ayaa daliil u noqday eedeymo ay hay,adaha xuquuqul insaanka u soo jeedin jireen Ethiopia oo ay ku sheegeen inay tobanaan kun oo muslimiinta ogadeenya ah ay ethiopia ku xasuuqday gobolka ogadenya

BETER BOKABERT waa maamulaha xaaladaha dag daga ah ee ururka xuquuqda aadanaha ee HUMAN RIGHTS WATCH wuxuuna yidhi ;in kasta oo ay ethiopia mar walba beenisso war bixinahayaga hadana beeninta ethiopia waxaa waxba kama jiraan ka dhigaya muuqaalada sawir gacmeedyada oo ah daliil aan cidna ka doodi karin oo muujinaya cidda dhibta mas,uulka ka ah"

LARS BROMLY waa agaasimaha mu,asasad la yidhaahdo (A A A S) wuxuuna yidhi "waxaan xaqiijinnay sawiraan lagu soo qaaday dayax gacmeed kuwaasoo muujinaya ama caddeynaya sheegashadii ururada xuquuqda aadanaha ee ahaa inay ethiopia gubtay magaalooyin iyo tuulooyin waxaaney muuqaalladan caddeynayaan ciidamada ethiopia oo dab sudhay sideed goobood oo ku kala yaalla gobollada dhagaxbuur wardheer iyo qabridahar waxaanuna xaqiijinnay inay yihiin ciidamada ethiopia kuwa dabkaas ka danbeeyey

Si kastaba ha ahaatee waxaad moodda inay Ethiopia tahay neef gawracan geedo kama gudo oo ay isleedahay kolley ceebowdaye cid galaafo waxaanuna soo ban dhigi doonnaa waxyaabaha caalamku uu ogaaday sanooyinkii ugu dambeeyey ee ay Ethiopia ka gam,i la,dahay

Daljir Keyd
Qorahay Media
qorahay99@yahoo.com