Nov 28, 2012 (QOL) Kulankan ayaa waxaa uu ka dhacay xarunta Wasaarada Arimaha dibada ee dalka Kenya, waxaana markii ugu horeysay u kulamay wasiirka cusub ee wasaarada arimaha dibada dalka Somaliya ahana Rasal-wasaare ku xigeenka dawlada Soomaliya Marwo Fawsiyo Yuusuf Xaaji iyo dhigeeda dalka kenya Samson Ongera.

Marwo Fawsiyo Yusuf ayaa Kenya soo gaartay galabnimadii shalay waxaana ay labada dhinac kulankooda maanta ku soo qaadeen xiriirka labada wadan Soomaaliya iyo Kenya, Amaanka guud ee labada wadan iyo sidoo kale iskaashiga xiriirka ganacsi iyo Amni, waxaana markii kulanka soo dhamaaday Saxaafada la hadlay wasiirka arimaha dibada dalka Kenya Samson, Waxaana sidoo kale uu soo qaaday arimaha adkeynta amaanka iyo sida labada dawladood iskaga kaashan lahaayen.

Wasiirada Arimaha Dibada Soomaaliya Fawsiyo Xaaji Adan ayaa sidoo kalana Kulan laqadatay Ra’iisal wasaraha Dalka Kenya Raila Odinga, Kulankaasi oo ka Dhacay Xafiiska Ra’iisal wasaraha Dalka Kenya.

Kulamadani kala duwan ee wasiirada arimaha dIbnada dalka Soomaaliya la qadatay madaxda Kenya ayaa ah kulanki ugu Horeyey tan Iyo markii Xilka Loo soo Magacabay.

Waxaa sidoo kale la filayaa in Todobaadkan soogaadho wadanka Kenya Madaxweynaha Somaalia Xasan sheekh mahamud.

Askari Abdullahi
Qorahay Media
qorahay99@yahoo.com