Nov 30, 2012 (QOL) Dhaq-dhaqaaqa Somaaliyeed Nabada,midnimada iyo cadaaladda codka, caqliga iyo damiirka nool ee wadaniga Diintiisa,dalkiisa iyo karaamadiisaba jaceyl-waxaan si diiran oo farxadeeda leh ku soo dhoweeyneeynaa TV-ga Cusub(Codka Shacabka J/Land)oo hab tijaabo ah hawada u soo galay waana arrin guul weyn u ah dadka.

Somaaliyeed gaar ahaan reer J/Land oo runtii si weyn baahi ugu qabeey helida goob codkooda,qadaiyadooda iyo danahooda ee ay ku soo bandhigaan,iyadoo aqlabiyada warbaahin somaaliyeed oo jirtaa si cad lid ugu noqdeen waji colaadeed iyo naceeyb gaar ahna u qaadan reer J/Land iyo qeybo kale oo somaalida ka mid ahba.

http://youtu.be/xUYFVkFlQZk

Waa tallaabo guusheeda,horumarkeeda iyo jiheeynteeda dhanka wanaagsanba leh kuna soo aadeey waqtigii ku haboonaa J/Land oo marxalad cusub is-bedelkeeda leh,aayo ka tashigooda leh iyo garashadda bulshada degaamadaas oo hab mideeysan ku go'aansaday ka tashigga iyo raacida rabitaanka aqlabiyada ineey wadaan dhismaha dowlad goboleedkooda habka iyo hanaanka Federaalka waafaqsan(sida dastuurku dhigaayo)kuna dhaqmaaya hab cadaalad,sinaan iyo xaq soorba leh,markaas waa muhiim in la helo warbaahin codkooda gudbisa(gaar ahaan TV) anagoo soo jeedineeyna in TV-ga J/Land noqdo mid hab wanaagsan, hufnaan, run sheegid iyo barnaamijyo qiimo leh soo daaya,kana fogaada.

Guud ahaanba waxyaabaha ka socda aqlabiyadda Warbaahinta wajiyada beeleedka,kooxeedka iyo aragtida naceeybka ku dhisan sida gaar ahna u colaadiya qadiyadda J/Land siiba UniversalTV-gii la oran jiray oo hada isu-bedelay XasaridTV iyo barnaamijkiisa Xog-waran oo runtii xaaraan waran ah,weerar joogto ahna ku haya arrimaha Jubbland oo eey qorshayaal dabdan iyo ujeedooyin aragti naceey,been abuurid iyo faafiinta dacaayado lid ku ah danaha ama rabitaanka beelaha Jubbland iyo aayo ka tashigooda hadafka ka dhigtay noqdeyna afhayeenka kooxda cusub ee midnimo,federaal iyo dowlad diidka ah.

Dhaq-dhaqaaqa Somaaliyeed
Nabadda,Midnimadda Iyo Cadaaladda.
Nov-30-2012.