Wararka ka soo dhacaya Hawlgalkii Eebocadow ee soo bilowday 10 bishan socdana taniyo eegga waa is daba joog, dhulka hawlgalku ka socdo oo aad u ballaadhan iyo isgaadhsiinta oo yar darteed wararkiisu wali ma soo wada dhammaanin meelaha qaarna wuu socdaa hawlgalku, waxaase Rugta CWXO ay soo direen faahfaahintan soo socota:

Hawlgalku wuxuu kadhacay Gobaha kala ah, Cobolka Baabili, Degmada Xamaro-Xadaad, Higlalay oo uu la socday dagaal mir ah oo lagu qaaday Dhagaxbuur iyo Cobole, Galadiid, Karinbilcille, Duud Ciid, Yucub iyo Qamuuda, Duleed Wardheer, Boodh Caano iyo Aaga Biyoxidheenka Godey, Birqod iyo Gunagado. Intaas waxaa racay Dagaalo dhaba-gal ah oo gurmadka lagu hakinayey oo xoog leh uga dhacay, Duleed Dhagaxbuur, Duleedka Qabridahare, Duleedka Fiiq, Dhagaxmadaw iyo Dhagaxbuur dhexdoodda, duleedka Wardheer, shilaabo iyo Yucub dhexdooda, dhammaan aaggaas waxaa ka dhacay dagaalo aad u culus oo gumaystiga Tigrega darsi taariikhda galay loogu dhigay.
Waxa si gooni ah loo xusayaa natiijada dagaalka Eebocadaw qododaban soo socda:

1- Waxaa gacanta lagu dhigay 8 saldhig oo kala ah, Cobolka, Higla lay, Xamaro, Galadiid, Karinbilcille, DuudCiid, Boodhcaano iyo Yucub, inta kalana waa la burburiyay si weyn oo culus.

2- Waxaa cadawga laga dilay inta ciidankeenu sugay 400 oo Askri tiro aan la qiyaasi karin oo dhaawac ah, waxaana la xaqiijiyay in ciidamo badan dhexda iyo isbitaalada, Harar,Dirdhabe, Q/dahare, Dh/buur, Jigjiga iyo Wardheer ku nafwaayeen iyada oo dhaawac la ciirciirayaan isbitaaladaasi.

3- Saraakiisha ay dulistaageen CWXO ee cadawga laga dilay waa 9, waxaase jigjiga iyo harar ka soo yeedhay in 25 sarkaal ku nafwaayeen hawlgakii Eebocado, Baroorta iyo oohinta Habraha Woyaane ay isu yeedhey min Ardisababa ilaa shilaabo, saraakiisha go'day waxaa ku jiray Col. Haylu oo aha Taliyihii Sahanka Qaybta Harar.

4-Qalabka cadawga lagafur, oo aad u badan, ay ku jiraan qoryo tiro badan oo qoryo culus ah, sida Sniperka ama Sinefer, PKM iyo Saanad ciidan oo kala duwan ayna ku jiraan Dawo, Direys, Kabo, Isgaadhsiin Ciidan iyo qalab aad muhiim ah oo setelate isgaadhsiinta ciidanka lagu hago, laguna dhagayste Mobile setelate thuraya ah kaas oo kadib la burburiyay culeyskiia dartii.sidaa oo kale waxaa gubtay gaadiid ciidan oo ay ku jiraan booyad shidaal gurmad ah waday. dhanka kale wixii maxabiis ahaa waxaan u gudbinay goobo ay codsadeen.

5- Maxaa ka dhashay Hawlakii Eebocadow ee barakaysnaa? waxaa dhashay khalkhal kama dambays ah oo ku dhacay Ciidankii cadawga waxaa heegan galay dhammaan magaalooyinka, Jigjiga, Godey, Q/dahare, Wardheer iyo Harar taasoo ay saska qaadeen ballaadhka weerarka, tabaha CWXO, qorshaysnaanta, Geesinimada iyo tababar N/hura Ogadenia, waxaa wali daadsan meydkoodii Xamaro, Galadiid,Cobolka, Yucub iyo Qamuuda. waxay budhacada TPLF qaadaty cashir lama ilaawaan ah oo loo aayidoono waana sida ay ugu bilaabatay sidii balanta onlf ahayd.

6- Guul culusdarajad 1aad ah iyo dadweynihii s.ogadenia oo diirasaday dabaaldagaya ilaa eegga, iyaga oo CWXO hadiayadaha loogu deeqayo wali iska dabadhacayaan una qaateenba inay xoroobeen.

7- Maxaa loo qaaday ama maxaa kaakiciyey Hawgalkan Ebocadow? Arimaha soo socdadartood:

1-kadiba markay badatay beenta ay ku soo hagayaan Woyanuu shirkadha shidaalka baadha ee caalamka inay maanta Ogadenia bayleh u tah Woyane ka faa,iideysigiisa.

2- Kolkay in badan ku celceliyeen beenaale Meles iyo Afmiinshaar Bareket Simon in ay JWXO ciidaan ahaan jabiyeen soona af jareen halgankii Ogadenia

3-kadib markay badiyeen sanadkan xasuuq-wadareedka shacbigeena dulman.

4-kadib markay aad u hawlgaliyeen maamulada Dabaqoodhiga somaliya, isuna diyaariyeen Doorashooyin ku sheeg been ah oo Abassynia ka sameeyaan. waxaa la gartay itaas markii la eegay in la gadhay Dharbaaxadii Eebocadow, alle mahadi way dhacday sidii loogu talogalay iyo natiijooyin dheeraad ah oo ka soo baxay, iyada oo uu aad uga yaryahay khasaaraha CWXO soo gaadhay kii la filahay laguna talogalay.

Allaahu Akbar walilaahi Alxamdu.
Midnimo !!!!!! Mintd !!!! Iskutashi !!!!! Guul !!!!!!!!!!!! !!!!!!!!! !!!

F aarax Wiilwaal
daljir999@hotmail.com