Qaramada Midoobey Oo Sheegtay In Dowladda Imaaraadku Ay Qalqal Gelinayso Soomaaliya

Warar

Warbixin aad u dheer oo kasoo baxday guddiga dabagalka cunaqabataynta hubka ee Soomaaliya saaran waxaa qeyb ahaan lagu soo hadal qaaday arrinta ku saabsan lug lahaansha ay siyaasadda Soomaaliya ku leeyihiin dawladaha qaar ee caalamka.

 

images-19

Warbixintaan waxaa lagu sheegay in dawlada Imaaraatka ay si weyn u gil gilshay siyaasadda Soomaaliya sanadkaan kadib markii lacag ay guddigu ku sheegeen mid laaluush ah siiyeen maamul goboleedyada dalka ka jira ee qeybta ka ah dawlada Federalka ah Soomaaliya si ay uga dhaadhiciyaan inay ka hor yimaadeen go’aankii ay dawlada Soomaaliya ka qaadatay khilaafka ka dhex jira dawladaha Khaliijka gaar ahaan Qatar iyo xulufadda Sacuudiga iyo Imaaraatku hormuudka u yihiin.

Guddigaan Q,M ka tirsan waxaa ay warbixintooda ku sheegeen in dawlada Imaaraatka ay madaxda maamul goboleedyada ay kulan u qabatay kadibna ay lacag ku siisay sidii wakiiladooda baarlamaanka Soomaaliya ku jira u carqaladayn lahaayeen go’aanka dhex dhexaadnimada ah ee dawlada Soomaaliya ka qaadatay arrinta khilaafka Khaliijka.

“Madaxda Imaataarku dadaal badan ayay galinayaan sidii ay dawlada Soomaaliya cadaadis loogu saari lahaa inay xiriirka u jarto Qatar oo iyaga la safato waxaana arrintaas Imaaraatku u marayaan maamul goboleedyada dalka ka jira” ayaa warbixintaan lagu yiri.

Guddiga warbixintaan diyaarshay waxay sidoo kale ka hadleen arrimaha la xariira uurada Al-Shabab iyo Daacish ee Soomaaliya ka jira.

Mar ay qeyb ahaan soo hadal qaadeen meelaha Shabab dhaqaalaha ka helo waxay kusoo dareen lacagaha ay qaadaan ganacsatada Soomaaliyeed oo lagu tilmaamay mid ka mid ah ilaha dhaqaale ee Shabab leeyahay.

In xarumaha ganacsi tan ugu yar laga qaado lacag dhan 10 Dollar tan ugu badana laga qaado 70 kun oo Dollar ayaa warbixintaan lagu sheegay .

Guddiga dabagalka cuna qabataynta hubka ee Soomaaliya saaran waxaa lagu xusay in inkastoo dawlada Soomaaliya ganacsatada uga digtay inay Al-Shabab dhaqaale siiyaan haddana go’aankaas ma shaqeyn ayaa wrbixintaan lagu yiri.

Mar arrinta Daacish laga hadlayna waxay guddigu sheegeen inuu jiro koror ay sameynayaan kooxda Daacish tusaale ahaan sanadkii hore waxay aad uga kordheen tiradda hadda ku jirta dagaalamayaasha Daacish ee Soomaaliya jooga taasoo qeyb ka ah walaaca amaan ee hadda dalku wajahayo.

Sanaagpost

1,217 total views, 0 views today

Share
Warar
Shacabkii ku bara kacay colaada Ogaadeenya & Oromia laga dhex abuuray oo xaaladooda laga dayrinayo

Warar Qorahay media gudaha Ogaadeenay ka soo gaadhay ayaa sheegaya xaalad halis ah oo ay ku suganyihin dad aad u badan oo kamida haa shacabkii Soomalaida ah ee ku soo baro kacay colaada uu gumaysigu Ethiopia ka dhex huriyay labada sjhacab ee walaalaha aha waa Soomaalida Ogaadeenya & shacabka Oromia, …

4,841 total views, 0 views today

Share
Warar
Duljoogso: Halgamaaga gobanimo doonka ah muxuu ku suntanyahay?

Qoramadeena Duljoogso ee todobaadkan waxaynu ku soo qaadanaynaa cinwaanka sare oo ah Halgamaaga gobanimo doonka ah muxuu ku suntanyahay? waxaanan u araganay inaynu wax ka taataabano, ugu horayn ereyga halgan marka aad maqasho waxaa judhaba maankaaga ku soo dhacaysa shaqo adag oo loo galayo hab mutadawacnimo ah isxilqaana lagu fuliyo …

7,476 total views, 0 views today

Share
Warar
Magaalada Harta-Sheekha oo biyo qarqiyeen halisna ku jirta

Wararka laga helayo gudaha Ogaadeenya gaara haan magaalada Jigjiga ayaa sheegaya in ay roobabkii labada todobaad da’ayay dhibaatooyin gaysteen islamarkaasna ay biyo buuralayda ka soo dhaadahay magaalooyinka waxyeello u gaysteen, magaalada Harta-Sheeka ayaa kamid ah meelaha sida weyn looga dayrinayo ee ay daadadkaasi waxyeelleeyeen waxaana la sheeagyaa in ay guryo …

11,019 total views, 0 views today

Share